25 JUNE 2015(THU) 哈哈哈...相信大家可以從我嘅煮食文中留意到，蝦仔係我嘅靚太廚房中出現次數都幾密。緊係啦...蝦易煮又好味，當然要煮多啲扮下叻嘛！ 今次我又試煮左個新菜式，大家都讚好味，就係粉絲蝦煲啦~ 材料有海蝦一斤、粉絲2包、大量乾蔥頭、蒜頭1粒及雞湯~ 首先將蝦洗乾淨，然後剪走蝦頭及蝦腳~ 粉絲浸軟備用~ 將乾蔥頭及蒜頭切碎~ 開鑊爆香乾蔥頭及蒜頭~ 然後放入海蝦~ 待蝦兩面煎至紅色時，可以加入蠔油及麻油~ 快手炒幾下之後，放入粉絲及雞湯~ 再加少少黃糖(因為我家沒有白糖，所以用黃糖，其實兩者係冇分別)~ 快手炒...炒....炒幾下，然後封蓋以慢火煮5分鐘~ 最後加少少胡椒粉調味~ 話咁快好味又易煮嘅粉絲蝦煲就出爐啦~ 嘩哈哈...唔係自己讚自己，依個粉絲蝦煲真係有十個GOOD，啲蝦仔彈牙唔在講(依點點然係關啲蝦係新鱗啦)，另一主角粉絲係勁入味，所以依個餸已經入左我地家嘅"翻炒榜"，下次一定要再煮呀！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
