23 JUNE 2015(TUE) 平日我多數都係煲蕃茄薯仔豬骨湯(按此重溫)，但原來用南瓜番茄嚟煲湯，簡單的嚟又幾好飲，最好就係有好營養呀~ 材料有南瓜半個、番茄4個、紅豆少少、陳皮1塊及瘦肉約$40~ 南瓜去皮及瓤，洗淨後切厚件。記得一定要厚切，如果唔係煲完個湯就會冇晒啲南瓜呀~ 番茄洗淨後切件~ 紅豆洗淨瀝乾，陳皮去瓤用清水沖淨備用~ 瘦肉用清水洗淨汆水備用~ 煲內加入約2L水，然後加入陳皮~ 待猛火煲滾後，放入所有材料~ 至水再滾起，改中火煲約1小時~ 最後加埋鹽調味，就可以飲得啦~ 味道清清甜甜，再加上嗰一種淡淡嘅紅豆味，都幾特別，成一煲湯轉眼間就俾我地三口子清晒啦....哈哈哈！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
