18 JUNE 2015(THU) 感謝樂在棋中社會企業邀請出席原創桌上遊戲分享會，等我對佢地所推出嘅桌上遊戲有更多了解及認識~ 今次活動安排係社企營運的Go Inside Cafe，店員是弱聽/聾啞人士打理。樂在棋中更包了半場為我地進行分享會，真係好細心呀~ 活動就由樂在棋中創辦人黃頌行先生開始~ 黃先生本身係一名社工爸爸，佢係好明白同小朋友玩嘅重要性，所以就開設計計一系列適合本港家庭使用的原創桌上遊戲，為香港的家庭創造優質親子時間，提升彼此關係~ 點擊圖片放大 +5 黃先生同我地分享佢經驗之談後，就為我地送上一份大禮物，就係佢地推出嘅四款原創桌上遊戲《小財俊大智慧》、《張保仔傳說》、《港·環保》及《繽紛大嶼》~ 收完禮物我地就開餐啦！ 先嚟好豐富嘅前菜~ 哈哈哈...我唔客氣啦，係自助吧拎左好多嘢食呀~ 主菜我就選左三文魚意粉(全名唔記得)，好足料呀，好多三文魚，好好味呀~ 洋蔥湯~ 士多啤梨乳酪~ 仲有好豐富嘅甜品，真係超滿足的一個晚餐呀~ 食飽飽之後，就係試玩時間，睇下小朋友們玩得幾開心~ 哈哈哈...我地一班媽媽當然唔執輸，大家齊齊《沿途有禮》呀~ 點擊圖片放大 +2 之後又再玩《小財俊大智慧》，依個GAME都真係有啲難，不過我地媽媽都玩得好興奮呀~ 點擊圖片放大 +2 另一邊小朋友們就話要嚟個《張保仔傳說》~ 可能我都係幾鐘意玩桌上遊戲，所以真係覺得好好玩呀，不過因為時間關係，兩個GAME都只係玩到一半，有啲唔夠喉呀...哈哈哈！ 最後我地係一片歡樂笑聲完成今日活動~ 今日真係收獲豐富，最開心就係收到幾款桌上遊戲，唔洗只係玩飛行棋或者大富翁，依家可以有更多選擇啦！ More Information : Website：http://www.pob.hk/ Facebook：https://www.facebook.com/pobhk?fref=pb&hc_location=profile_browser MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
