11 JUNE 2015(THU) 作為一名迪士尼粉絲嚟講,最興奮不過就係可以得到迪士尼樂園嘅邀請,係開幕第一日就暢遊《魔雪奇緣》冰雪小鎮,依個心情都可以話係未入場先興奮呀~ 其實我係勁...勁....勁想帶埋小小豬一齊入嚟玩,不過隻豬仔要返學嘛,係我內心嘅魔鬼同天使對抗一輪之後,最後都係天使勝出左,小小豬都係乖乖上學去,所以我就約埋LULU妹一齊入去玩一轉啦~ 《魔雪奇緣》冰雪小鎮嘅「夏雪節盛演」係限定節目,由6月11日開到8月30日,位置在灰谷山谷入口隔離,即係哈囉喂時「黑色馬戲班」嗰個位置啦~ 由 於節目係限定關係,所以於樂園開門時就可以拎取FrozenVillage嘅入場籌,每日大約有10場表演,每場次人數都有限,所以派完入場籌就冇啦,所 以建議大家一入園就先去攞入場籌先啦!如果拎唔到入場籌,都可以選擇排後補位置,睇下有冇啲攞入場籌嘅朋友無返嚟就可以因應人數入場。但聽講排後補位都要 兩個鐘以上,所以都係早入場拎定安全啲呀~ 一入到FrozenVillage就已經感覺到好舒服,因為全場開行冷氣,非常涼浸浸呀~ 係FrozenVillage第一個指定節目,當然就係入音樂廳睇SHOW啦~ 大家都好ENJOY去睇表演,緊係啦..ANNA同ELSA咁受歡迎,我諗冇人唔識佢地啦~ 每場音樂SHOW大約20分鐘,主要由兩位熱情既小鎮居民負責帶領~ 兩位小鎮居民又唱又跳,都非常樂力呀~ 首先出場就係ANNA公主,我地唱歌跳舞~ 點擊圖片放大 +2 之後就到第一次係樂園出現嘅基斯托夫,嘩...同電影版入面嘅好似呀,最重要就係都幾靚仔呀~ 整個SHOW內都會同我地重溫《魔雪奇緣》幾首大熱歌曲,如果唔識唱都唔緊要,因為有字幕可以等大家跟住唱呀~ 點擊圖片放大 +2 最後當然唔少得ELSA出場啦~ 點擊圖片放大 +4 睇完SHOW之後,我地就去夏雪節廣場玩,第一時間當然就係去搵小白影相啦,小白真係勁可愛呀~ 之後我地就去排隊玩雪橇啦~ 坐雪橇真的好好玩,雖然短短嘅一段,不過都已經好刺激啦~ 有幾好玩....我總共玩左三次呀,下次帶小小豬嚟時一定要同佢玩,不過佢就要坐我大脾上面一齊瀡啦~ 之後我地就入夏雪節廣場,因為嗰度全場都係雪, 可以係入面玩堆冰雪~ 最好就係場內有埋膠模俾我地任玩~ 點擊圖片放大 +4 夏雪節廣場旁邊有個小食部,好多特式小食同埋小白精品呀~ 點擊圖片放大 +2 推介依杯蘋果沙冰,好好飲呀~ 場內仲有小白紅豆餅窩夫呀~ 味道都唔錯,$40一SET,我覺得都算抵呀~ 場內當然有好多唔同種類嘅《魔雪奇緣》精品啦,不過我掛住排隊玩雪橇,所以唔係好夠時間睇晒啲精品呀~ 整個FrozenVillage真係好好玩,係夏天熱辣辣嘅時候,入到嚟真係即刻身心涼浸浸,所以暑假一定要入嚟再玩過呀(都係嗰句....記得一早入園拎入場籌呀)! More Information : Website:http://www.hongkongdisneyland.com/ Facebook:https://www.facebook.com/disneyland.hk MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※