4 JUNE 2015(THU) 好榮幸可以獲邀參加「新奇士柑橘夏日廚房」,學習利用生果入廚之餘,仲可以機會進修一下我嘅BB班煮藝呀~ 今次活動的地點是easy chef cooking studio,整個場地都以橙黃色作為主題,感覺好清新呀~ 當然唔少得我地今日嘅主角啦~ 未開始活動前,大會亦為我地預備左一份禮物,一條繡上我地名字嘅圍裙,同埋可愛嘅餐具,真係好有心思呀~ 今次活動邀請到星級名廚楊尚友為大家烹調三款用柑橘創作的菜式~ 活動開始時,Christian首先教大家做甜品 - 法式新奇士香橙梳乎厘伴鮮橙朱古力醬。Christian講解得非常仔細仲好攪笑添~ 點擊圖片放大 上完堂就到我地落手去整啦~ 點擊圖片放大 +2 哈哈哈...我被安排左打蛋白,平日我都係用打蛋器去打,所以今次要手動,真係勁攰呀~ 最後當然要Christian出手啦~ 高手即係高手,打幾下就打好晒啲蛋白啦~ 最後就將所有材料拌勻,然後放入香橙內,就可以準備入爐啦~ 點擊圖片放大 +3 依個時候Christian就教我地整一個好長名嘅菜式- 鮮蠔帶子他他配飛魚籽、新奇士橙肉、橙皮伴檸檬蛋黃醬~ 點擊圖片放大 今次菜式主要用檸檬皮加少少少少鹽嚟做「代鹽」,利用檸檬的鮮味,輕易地取代菜式的添加鹽分,味道昇華之餘,更來得健康清新~ 之後當然又到我地大顯身手啦,將把帶子刺身切粒,以檸檬皮調味~ 點擊圖片放大 好鐘意依個吱檸檬汁用具,係非常方便用衛生,真係要搵搵佢,買返個先得呀~ 整依個菜式同時,Christian都教我地開蠔呀~ 開蠔成功,就可以將啲食材放入模具定形啦~ 我嘅制成品終於可以面世啦,三樣食材再加埋個檸檬汁,真係好好食,仲好清新呀~ 正當我地歎緊好味嘅鮮蠔帶子他他配飛魚籽、新奇士橙肉、橙皮伴檸檬蛋黃醬時,Christian已經為我地準備緊另一主菜 - 新奇士燒香橙芝麻醬牛仔骨伴生菜包及新鮮香草~ 點擊圖片放大 他們兩位忙著擺盤上菜,我地真係大飽口福啦~ 雖然我唔食牛,不過睇見都覺得好吸引呀~ 吱少少橙汁就最帶出牛仔骨嘅鮮味呀~ 啲牛仔骨好腍,夾埋生菜一齊食,朋友仔話超好味呀~ 係依個時候香橙梳乎厘亦都出爐啦~ Christian係梳乎厘加上果仁及鮮橙朱古力醬,真係好味都唔識形容呀~ 今次依個活動非常豐富,既可以學到啲入廚技巧,仲食左個好味晚餐,真係好滿足呀。等我都試下煮餸時加啲生果,試下用檸檬皮嚟做「代鹽」,等小小豬試下新花款先! More Information : Website:http://hk.sunkist.com/ Facebook:https://www.facebook.com/SunkistHK MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※