26 MAY 2015(TUE) 早幾日突然好想飲椰子煲雞湯,今日行過街市時見到店鋪姐姐返左好多大大粒嘅椰子,所以就決定今日煲個靚湯啦~ 雞1隻(記得要去埋皮,如果唔係成個湯就好油啦)、椰子肉1個、蜜棗4粒、南北杏少少~ 雞洗淨後,汆水備用~ 唔識開椰子唔洗驚,因為店員姐姐好樂意幫你開。透明包的就係椰子内嘅椰子汁呀~ 椰子肉擦乾淨,之後可切塊或切條,但不可壓成汁烹調,否則湯水的椰汁味會太濃及太肥膩~ 最後將蜜棗及南北杏浸洗備用~ 煲內加入約3L水,然後放入所有材料,用大火煲20分鐘~ 轉慢火煲2小時~ 最後加埋那椰子汁,再用大火煲20分鐘~ 最後落埋鹽調味,就飲得啦~ 當食啲椰子時,啲肉仲係好硬硬的,其實我加加埋埋都煲左3個鐘,都唔知點解會咁,係我買依個椰子唔靚定其他問題,等我再研究下先。 但其實個湯係好好飲,好甜呀...一向我地係椰子怪,所以我當然係大愛啦! MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※