2 JUNE 2015(TUE) 近期網上大熱當然係整LEGO 橡皮糖,見到咁得意我當然好想整埋一份啦,見有網站分享左個中文版食譜,緊係即刻動手整整佢啦! 哈哈哈...我啲LEGO人仔橡皮糖靚嗎~ 當我睇到個食譜時,發現原來屋企都齊晒所有材料,就連個LEGO人仔模都有(哈哈哈...其實係好耐之前係網上買,買左咁耐都未用,終於都可以開模啦),所以點可以忍手唔整呢~ 準備一個量杯,倒入125ml凍水~ 然後倒入62g粟膠~ 不停攪拌水及糖漿,直至看見兩者完全混合~ 將糖水倒入煲中,但先不要開火,加入14g魚膠粉~ 再倒入啫喱粉後等待約1分鐘,讓啫喱粉自行吸收水份~ 然後再用匙羹慢慢攪拌至完全混合~ 開中低火,煮8分鐘,緊記每隔1至2分鐘要慢慢攪拌,以免糖漿會煮焦~ 關火後,待糖漿降至室溫~ 然後就可以把糖漿倒至LEGO模中。由於LEGO模都算細粒,所以我用左一個方法,就係用小小豬啲食藥針(放心...依支係新呀),慢慢吱入去。真係要慢慢呀,因為一快就會吱到啲小泡泡,咁橡皮糖就唔靚啦~ 吱好晒就可以放入雪櫃,雪到實就食得啦~ 甩模後...我嘅LEGO橡皮糖就誕生啦~ 點擊圖片放大 唔係讚自己,啲人仔好靚呀~ 點擊圖片放大 仲識排排隊等俾我地食呀~ 除左得意之外,又真係幾好食,比起之前用果汁加粟膠嚟整糖糖,明顯係勁煙韌好多,而且又唔會過份膠感呀! 小小豬唔覺唔覺都食左好多粒啦~ 點擊圖片放大 哈哈哈...等我搵機會去買埋其他LEGO模,實行等小小豬可以邊食邊砌,相信個感覺一定好正呀! MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※