11 MAY 2015(MON) 早前得到KC Korea邀請，參與韓儷佳人•美之約會，除左識認左一個新嘅韓國醫學美容品牌外，離開時仲送左一大袋護膚産品，真係非常豐富呀~ 係一大袋護膚産品中，最令我印象深嘅當然就係剛剛新認識嘅ECLADO，所以我都急不及待係收到當晚即刻開始試用那三件護膚品，就等我同大家分享下啦~ 可能大家都ECLADO的品牌比較陌生，但其實佢係韓國一所醫學美容品牌，而且係針對亞洲人皮膚，所以好啱我地用呀！ 專業收毛孔安瓶，真係啱晒我，因為毛孔大係我皮膚最大問題之一呀~ 天然修護成份能抗炎控油，快速鎭靜，穩定皮膚起調節作用。可強力補水，快速收毛孔，提升皮膚緊緻度及平滑肌膚。另外亦添加多種維他命，美白同時提升皮膚彈性。 小小的一枝已經係一星期早晚使用嘅份量嚟啦~ 估唔到個質地係超水感，而且一啲都唔笠。基本上只係輕手一抹就已經全部吸引晒，而且仲感覺非常清爽，好啱依家嘅天氣用呀~ 野生人蔘精華安瓶~ 全能多效抗衰老精華，為肌膚賦予彈力與光滑。 一打開樽就已經聞到好重的人蔘味。質地就比較厚身，油質感重啲啲，慢慢按摩一陣就可以讓皮膚完全吸收，但用落都唔算笠~ 植物幹細胞記憶抗皺面霜~ 具有強力補水作用，更可令皮膚再生的面霜。而且會於皮膚表面形成保護膜，令皮膚透亮有光澤。 我覺得依個面霜最神奇之處，就係當係挖少少出來之後，好快就會自動回復原狀呀~ 點擊圖片放大 我覺得個質地有點似豆腐花，但當你按摩之後，就會變成水珠狀，而且仲好易就可以推開啦~ 我好乖乖咁每晚用齊三款產品，用左都差唔多兩星期，皮膚又真係有改善左呀！最大嘅感覺就係保濕力唔錯，皮膚都唔會覺得好乾，就連塗BB CREAM依家都貼面好多呀！另一個感覺就係啲毛孔又真係細啲啲呀~ 依個只係我用左兩星期嘅效果，整體上效果都係滿意，所以我地繼續努力KEEP住用，希望皮膚可以繼續越嚟越好，咁我又離"我要做靚媽"又近一步啦！ More Information : Website：http://www.kckorea.com.hk/ Facebook：https://www.facebook.com/Kckorea MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
