2 MAY 2015(SAT) 尋日係有機農場買左啲新鮮粟米芯，當然唔好浪費要即刻煲俾小小豬飲，等佢可以清清熱氣啦~ 其實我之前都只係聽過一啲長輩話新鮮粟米芯係好嘢嚟，最啱用嚟俾小朋友清熱氣。不過平日都好少係街市見到，所以我地係聽左就算，一直都冇機會試下煲。 估唔到係有機農場會買到啲粟米芯，仲要係新鮮踩摘冇幾耐，同店員姐姐傾傾下，佢又教左我點去煲，所以就買左一磅啦(依一磅都要成$40，其實感覺上都貴貴地。不過見係有機，加上店員姐姐又講到好好，所以就試下啦)~ 首先第一個步驗就要介開啲粟米葉，之後將條粟米取出~ 點擊圖片放大 啲粟米葉同粟米鬚都要留起，因為就係用依兩個位置嚟煲水呀。其實都可以將啲粟米芯加埋一齊煲水，不過店員姐姐話用粟米葉同粟米鬚都已經可以達到清熱功效，啲粟米芯咁新鮮當然唔好浪費，留返嚟炒餸啦~ 將粟米葉同粟米鬚清洗乾淨~ 煲內加入約2L水，待水滾後加入粟米葉及粟米鬚，用中火煲約30分鐘~ 之後可因應個人口味加入冰糖，再煲15分鐘~ 熄火後再焗多15分鐘~ 待涼後就可以過濾入樽，就可以飲得啦~ 雪凍飲就仲好味呀~ 味道方面我地都覺得唔錯，飲落就好似有少少似竹蔗水，清清甜甜咁，我家兩位老闆都話好飲呀！ 其實係唔係清熱氣我就唔太敢講，依排小小豬都唔算太熱氣。不過利尿就一定好有成效，因為每次飲完一杯粟米芯水之後，小小豬去VV次數係密左又多左呀！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
