1 MAY 2015(FRI) 非常感謝珮氏驅蚊爽邀請，等我地三口子可以參與伴您歡笑遊農莊活動，輕輕鬆鬆咁去享受郊外大自然~ 今次活動嘅地點就係位於粉嶺嘅有心機有機農莊，其實早係一年多前，我都曾經嚟過參加有關嘅農莊體驗，上次我都覺得有點後悔冇帶小小豬一齊玩，難得今次又有好機會，當然一定要帶小小豬嚟感受一下農莊生活啦~ 嚟農莊當然要用啲防蚊產品，我同小小豬就用左靚靚防蚊手帶呀~ 活動開始前，就先由田園大使簡單介紹下先今日活動同埋有關珮氏驅蚊產品啦！ 珮氏驅蚊產品蘊含天然野生紅茄提取物 IBI-246，可以有效驅趕蚊蟲外。另外以純天然成份，不含化學成份避蚊胺(DEET)，所以唔會對兒童幼嫩的肌膚引致過敏，避免危害兒童身體健康呀~ 點擊圖片放大 聽完簡單講解之後，我地就開始去參觀有心機農莊，第一站就去參觀溫室，睇下唔同種類嘅蕃茄。 第一次嚟嘅小小豬見到咁多唔同種類嘅蕃茄佢都不知幾興奮，仲好肉緊咁睇啲黑色蕃茄...心心蕃茄呀~ 點擊圖片放大 +7 領隊哥哥仲俾每一位小朋友摘一粒心心蕃茄添~ 即摘即食(放心...我地有清洗左先俾小小豬食)，為食豬都話好甜呀~ 之後我地繼續係溫室入面參觀，原來除蕃茄之外，都仲有翠肉瓜同茄子呀~ 係溫室門外有一群小羊，小朋友們就最興奮，因為可以餵小羊嘛~ 點擊圖片放大 +3 哈哈哈...一年冇見嘅火腿，可能實在太好食好住，佢真係肥左好多哦~ 之後就繼續我地農莊遊，領隊哥哥俾每一個家庭摘一條粟米。一聽到可以摘粟米，小小豬都已經不知幾開心，仲好細心咁依照領隊哥哥教嘅方法，搵條靚靚粟米呀~ 點擊圖片放大 摘到條粟米幾開心~ 點擊圖片放大 原來粟米係可以即食，一粒粒咁食都真係好甜好好味，就連平日唔鐘意食粟米嘅小小豬都食左大半條呀~ 遊完農莊，我地就去跟大會負責人整DIY有機蕃茄醬~ 點擊圖片放大 原本我地都可以自己親手整，不過因為時間關係，我地都只係做到少少步驟，之後就要大會負責人幫我地整呀~ 點解我地咁趕時間？因為我地夠鐘開餐啦！先嚟整個新鮮沙津菜~ 點擊圖片放大 +4 整完沙津就去整PIZZA~ 點擊圖片放大 +2 焗焗焗...好心急等食中~ 出爐啦~ 大會可能怕小朋友唔夠飽，仲為我地準備左叉燒飯。依碟叉燒飯真係勁好食，啲叉燒超級鬆軟，大肥豬邊食邊讚呀~ 食飽飽我地就周圍行下，去買睇下啲有機蔬菜~ 我地買左一大袋呀~ 休息一輪，我地就去參加工作地，整DIY樹葉環保袋呀~ 點擊圖片放大 最後我地三口子好榮幸俾大會邀請拍短片做訪問，小小豬都叫做合作，都有回答少少問題，希望有機會可以見到依個訪問片段啦~ 臨走時小小豬又掛住玩啲汽球仔，仲同啲小朋友玩得好開心呀~ 離開時，我地仲收到大會幫我地整嘅有機蕃茄醬，等我搵日用嚟煮午餐先~ 今日我就買左啲有薯仔同豆角，最特別就買左新鮮原條粟米芯，既可以用D嚟炒餸，啲鬚同葉又可以用嚟煲水清熱氣，好心急想快啲煲嚟試呀~ 今日真係過得好充賁，小小豬都愛上左農莊遊玩，仲問我幾時再嚟添，真係要非常感謝珮氏驅蚊爽為我地安排左一個咁好節目呀！ 其實早係活動前，公關姐姐亦送有一批珮氏驅蚊爽產品，其實今日我同小小豬全日防蚊手帶，又真係唔覺有俾蚊蚊錫到哦，等我用完之後再同慢慢大家分享用後感啦~ More information : Website：http://www.lux-pearls.com/ Facebook：https://www.facebook.com/lux.pearls.mq MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
