17 APRIL 2015(FRI) 今日小豬爸話想食蒜蓉蒸蝦，雖然之前都未整過，不過見到唔係好難，所以我又試下煮俾大家食啦~ 今次我地買左一斤海蝦，啲蝦都好大隻呀。仲加埋啲兩大粒蒜頭同一小舊薑，就可以煮到依個餸啦~ 首先將海蝦買洗乾淨，取走蝦腸，從背部至尾剪開蝦殼，再界一刀開蝴蝶邊(不要界斷否則變成開兩邊)~ 之後就準備蒜蓉及薑蓉~ 將一半分量的蒜蓉放進鍋中炒至金黃備用~ 三樣材料準備好，就可以加入蝦身上啦~ 先放上一層蒜蓉，之後加少少炒過的蒜粒，最後加上少少薑蓉~ 努力釀..努力釀..就釀晒全部海蝦啦(其實依個係整個餸最花心機的一環呀)~ 待水滾下蒸鍋隔水蒸七分鐘(蒸嘅時間係因應蝦嘅大細)~ 最後撒上蔥花，就可以開餐啦~ 哈哈哈...第一次煮我都覺得係可以有九十幾分(當然唔可以自誇有100嘛)，真係好有滿足感哦，當然因為啲蝦新鮮彈牙幫我加唔少分啦！ 之前係街食嘅蒜蓉蒸蝦都唔會加入薑蓉，今次我加左少少薑蓉入去同埋炒香左嘅蒜粒，感覺上真係好食啲又特別啲，食落都有幾個層次，仲更加帶出蝦個鮮美！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
