27 APRIL 2015(MON) 今日下午我去左會展一轉，又去變身成為一名偽記者，因為有機會可以去觀摩香港禮品及贈品展2015，非常感謝WESHARE及香港貿發局嘅安排呀~ 有別於上星期的家庭用品展(按此重溫)，今次我係參與傳媒導賞活動，所以心情都比較輕鬆，本住跟大隊去八八卦卦心態去行啦~ 由我地行去傳媒中心那小小的一條路，經過及看到四周的都已經係非常吸引。當然啦...因為凡可送禮的就係禮品，送禮的又可以有唔同年齡層，所以又點會唔多種類呢~ 活動開始之前由貿發局助理總裁陳淑芬女士向我地簡介香港舉辨展覽的歷史、會展的發展。原來今屆禮品展匯聚了來自38個國家及地區逾4,600家參展商，規模係全球最大呀~ 好啦...我地開始入去行街街啦！進入會場次前，見到一系列懷舊用品展覽，原來係大會特別的設計，這些都是第一屆參展禮品嚟呀~ 環保可以話係現今非常重要嘅一件事，所以送禮物都要環保嘛！依間公司話係專們生產環保家居用品及文具，利用唔同嘅廚餘(好似咖啡渣..蕃茄..米...等超過30種以上)，再配合唔同嘅循環再造技術，創作出數以千計的產品~ 點擊圖片放大 +4 好豪氣嘅記事簿，用左人都會醒神啲呀...哈哈哈~ 點擊圖片放大 然後我們又創藝廊參觀，依度係一個鼓勵年輕人創意的地方，所以真係要多多支持呀~ 當中最吸引我嘅就係由西班牙人在香港創立品牌，一系列公仔可愛就唔在講(當然係豬豬最吸引我啦...哈哈哈)，佢所帶出嘅正面訊息同樣都好好呀：BE HAPPY..HAVE FUN..GO NUTS~ 點擊圖片放大 +2 其後我地就去 Brand Oasis 形品坊參觀，布種嬰幼兒用品好可愛呀~ 點擊圖片放大 +3 最後我地就去欣賞香港智營禮品設計大賽的作品~ 種類應有盡有，有啲平日諗唔到嘅，係依度都可以見到，所以話呢，其實香港人真係創意無限呀！ 朱古力加茶葉，唔知會係咩味呢~ 可以由細變大嘅購物袋，同時又可以係沙灘墊，又可以係保溫袋，最利害就係可以用喛做汽車UV擋~ 仲有為耳仔便人仕設計嘅耳機及耳線，設計成手繩般模樣，戴起嚟時尚有型之外，仲不易打結，實在方便不少呀~ 一眾得獎作品中亦都學生作品，可以因應個人喜好，將KEYBOARD換上不同公仔/圖案，見到自己心愛嘅個性化KEYBOARD，做嘢都特別開心啦~ 另外亦有由社企公司同學生一齊研發嘅家庭遊戲，我最鐘意就係依副即將發售的地鐵遊戲(當然係因為小小豬係地鐵控，佢一定好鐘意呀)~ 除了可教小朋友一啲地鐵知識之外，係遊戲過程中亦都會學習一啲車廂禮讓等知識，既學習於娛樂，完全係親子遊戲之一呀。大約會於五月初會開始公開預售，到時等我都入手買俾小小豬玩先！ 其實今日我地都只係行左一少部分，有好多得意公仔我都未行，我仲見到我至愛嘅RODY...B.DUCK...都未有時間去睇呀！如果可以的話，我都希望可以嚟多一日，再嚟EYE SHOPPING呀！ More information : 香港禮品及贈品展：http://www.hktdc.com/fair/hkgiftspremiumfair-en/HKTDC-Hong-Kong-Gifts-and-Premium-Fair.html MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
