14 APRIL 2015(TUE) 早前參加左美女廚神KIT MAK COOKING WORKSHOP(按此重溫),學左利用雞湯,生粉水及黑白淡奶就可以快捷咁煮到白汁。既然學識左當然要試一試,所以今日就整自家制白汁芝士焗西蘭花啦~ 材料:西蘭花1棵、雞湯1罐、黑白淡奶及碎芝士~ 將西蘭花切小棵之後用鹽水洗乾淨,之後灼到半熟撈起瀝乾水~ 另一邊就開始煮個白汁啦,首先要煲滾雞湯~ 待雞湯滾後就可以加入生粉水,生粉多少就要睇你想個白汁有幾濃身啦~ 最後就加入黑白淡奶~ 之後就不停攪…不停攪…攪到你覺得個杰度~ 話咁快我自家制白汁就完成啦~ 準備好白汁就可以開始焗西蘭花了。 焗盤內倒入一層白汁,再鋪上西蘭花~ 之後再倒入一層白汁,再鋪上西蘭花~ 最後就加入芝士~ 最後放入光波爐,180度焗20分鐘~ 咁簡單就完成啦~ 第一次煮嘅白汁我都已經覺得唔錯,比起之前用罐頭忌廉湯嚟整,個汁明顯係鮮好多,奶味亦都濃好多,整體上好食好多啦..哈哈哈! 雖然看似容易,不過我自覺係調教白汁時都係未可以掌握得好好,等我試多幾次,希望好快就可以煮到同KIT MAK個口感一樣啦! MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※