12 APRIL 2015(SUN) 話說一知道海洋公園有得睇樹熊時，我都已經勁想去睇。一係唔去，今日就同埋大肥豬屋企人一齊去，我地一行十二人去玩一轉啦(不過因為親友們唔太方便出鏡，所以今個POST都係只見我地三口子呀)~ 其實大家都係為左樹熊而來，所以我地第一個目的地就一定係去搵樹熊啦~ 今日真係有啲奇怪，因為整個海洋公園都唔算多人，我地排左大約20分鐘就可以入場啦~ 準備去見樹熊啦~ 一入到場就當然去搵樹熊，搵左一陣終於俾我地發現兩隻賴洋洋可愛嘅樹熊啦~ 點擊圖片放大 +2 雖然都係影得唔清，不過都總算同樹熊合照啦~ 除左樹熊仲有笑翠鳥，不過佢真係郁都唔郁金唔係在場職員介紹，我都以為係假呀~ 當然唔少得袋鼠，不過佢地都係賴洋洋唔願郁，又唔跳跳跳，同睇電嗰啲好唔同呀~ 睇完樹熊我地就去搭覽車去另一邊，因為一眾後生要玩刺激機動遊戲呀~ 小小豬嘅表哥表姊們就去玩機動遊戲，我地就周圍行下SHOP攪攪陣影下相啦~ 點擊圖片放大 +6 之後仲去玩攤位遊戲添~ 小小豬好叻仔，撞手神地中左個中獎呀~ 不過都唔夠小小豬大伯利害，佢玩拋磚頭遊戲中左個珍寶獎呀~ 玩左一輪攤位遊戲之後，一眾表哥就繼續去玩機動遊戲。我地就同埋老爺奶奶等人一齊落返去另一邊，因為小小豬已經急不及待話要去兒童王國玩啦！ 行過見到公仔唔洗排隊，當然唔放過集郵機會啦~ 終於嚟到小小豬至愛地方，一嚟到就當然玩小火車啦~ 之後就去玩BB機動遊戲，我仲記得對上一次嚟嘅時候小小豬點都唔肯入去玩，仲喊晒添。不過今次真係180度轉變，極度心急咁等上車，玩完一次都仲未夠，要玩多次呀~ 點擊圖片放大 之後又去玩青蛀跳跳跳，原本小小豬係叫我陪佢上去玩，點知一見到表姊嚟到時，話表姊陪就得啦，真係......。不過咁都好，成日痂住我地都唔係一件好事，等佢同多啲人玩咪仲好。 睇下隻貪玩豬玩得幾開心，一啲都唔覺佢驚呀~ 點擊圖片放大 我地仲一齊玩摩天輪~ 最後就由一眾表哥表姊陪小小豬去玩，好在有佢地在場，我見精力非常旺盛嘅小小豬左走右走，表哥表姊們就分批跟住佢，真係辛苦晒佢地呀~ 點擊圖片放大 之後就再去一齊玩攤位遊戲~ 表哥好利害，中左個珍寶獎呀~ 臨走時小小豬又玩一轉渣車仔遊戲~ 由於第二日各位小朋友都要返學，所以我地玩到五點幾就走啦！其實今日整體上都玩得好開心，園內都唔係太多人，真係好少見到咁舒服嘅海洋公園呀！ 希望下幾次嚟都可以好似今日咁舒服啦！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
