8 APRIL 2015(WED) 早前見到朋友仔整依個新鮮甜品,見整法簡單又好特別,所以就同小小豬一齊整依個蕃薯雪糕餅嚟做下午茶啦~ 材料就只需要2個蕃薯、2隻雞蛋同1杯半雲呢拿味雪糕~ 首先將蕃薯去皮及蒸熟~ 之後就將蕃薯碎成蓉,我今次就用左個新方法,就係將蒸熟的蕃薯放入密實袋,然後請小小豬用棍仔碌成蕃薯蓉。依個方法既可以快啲,同時又好玩啲呀~ 點擊圖片放大 唔洗五分鐘就變成蕃薯蓉啦!不過大家放心,個密實袋我係會洗乾淨留返下次用,要環保嘛~ 打發好雞蛋~ 然後加入雪糕~ 點擊圖片放大 要慢慢攪,攪至雪糕全部溶晒~ 最後將所有蕃薯蓉加入,再慢慢攪,直至全部混合晒~ 點擊圖片放大 +2 電飯煲塗上一層薄薄的牛油~ 將已經混合好晒嘅材料倒入電飯煲~ 最後就好似平日煮飯咁按開始制~ 等到電飯煲"叮"一聲,就成功啦!不過為安全計,都建議大家係"叮"一聲之後,用牙籤輕插看看是否全熟,如有需要可以按多一次煮飯鍵呀! 由於我倒個蕃薯雪糕餅出嚟時有少少粗暴,所以有少少失敗,個面有少少甩呀~ 雖然外表就差左少少,不過佢嘅內涵都唔錯,有好香嘅蕃薯味同埋甜甜地,估唔到雪糕加蕃薯都幾有化學作用呀~ 轉眼間就已經俾我地兩母子KO左啦~ 好食之過就係.....食完依個蕃薯雪糕餅之後真係勁飽,攪到我地晚餐都仍然飽飽呀! MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※