9 APRIL 2015(THU) 今日同小豬爸行過海鮮檔，突然想食炒蜆，所以我地就買嚟做今晚晚餐之一。我今次就用左一個新煮法嚟整，就係台式炒蜆啦~ 其實我都未去過台灣，所以都真係唔知點係叫做台式炒。不過本烹飪書係咁標題，所以我又係咁講啦~ 花甲先放入約鹽於水中浸約30分鐘，以便吐沙~ 黃椒洗淨切件(唔一定用黃椒，用其他顏色椒都可以呀)~ 將半個蒜頭剁成蒜蓉，半舊薑剁成薑蓉及2棵蔥切成小段~ 先用油爆香啲黃椒備用~ 點擊圖片放大 用油爆香一湯匙蒜蓉豆鼓醬，然後加入蒜蓉，薑蓉及蔥段~ 最後加入黃椒~ 待爆香所有材料之後，下蜆快手兜勻~ 加蓋中火煮約1分鐘~ 然後加入少少蠔油及玫瑰露酒，再用大火炒至全部蜆殼打開，咁就食得啦~ 哈哈哈...比起傳統嘅豉椒炒蜆，依款個味係濃啲同埋香口啲，可能加左蠔油關係啦！ 又學識多一個新餸煮俾屋企人食，見大家都食得咁開心，真係超級有滿足感呀！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
