5 APRIL 2015(SUN) 蕃茄薯仔湯材料簡單、營養豐富又方便快捷,我間唔中都會煲。今日上網睇左個新煮法,見唔太難又可以好飲啲,所以就嚟試下啦~ 蕃茄四粒、薯仔三粒、豬骨約三十蚊及薑幾片~ 馬鈴薯去皮切件~ 蕃茄洗淨切件~ 排骨汆水~ 首先燒熱油鑊,下兩片薑爆香蕃茄備用~ 準備湯煲,加入2L水及數片薑片~ 待水滾後加入豬骨、半份馬鈴薯,大火煲30分鐘~ 之後轉小火,加入蕃茄及餘下的馬鈴薯再煲45分鐘~ 最後落鹽調味就飲得啦~ 哈哈哈..有得飲又有得食嘅蕃茄薯仔豬骨湯,一湯兩食就最啱我依啲懶媽媽呀~ 平時我煲蕃茄薯仔湯都係洗乾淨晒材料之後就拎去煲,今次嘗試先爆香蕃茄,又分批加入薯仔,感覺上啖湯又真係好飲啲呀! 爆香過嘅蕃茄可以令整個湯有更香嘅蕃茄,分兩次落薯仔可以令湯有粒粒薯仔食之外,另一半薯仔溶在湯裡,食落更有層次口感,就連大肥豬都大讚我依個新煮法呀! MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※