3 APRIL 2015(FRI) 今日我地三口子到了荃灣廣場,因為去玩「冰上動感 冰河世紀LIVE ! 香港站 長毛象大冒險」繽紛嘉年華。有得玩攤位遊戲,又可以同冰河世紀既卡通人物影相,最好仲係費用全免,你話係唔係一定要嚟玩一轉呢~ 一嚟到荃灣廣場見到咁熱氣鬧,小小豬已經即刻急不及待去玩啦~ 由今日到4月12日,荃灣廣場冰河世紀繽紛嘉年華會有精彩嘅遊戲,嚟玩嘅小朋友仲有機會得到限量既精美禮品添~ 哈哈哈...係未玩之前,影相控嘅當然唔放過機會,捉小小豬影轉相先啦。蜜桃、大亞哥、亞基、阿鼠阿弟....好多冰河世紀朋友呀~ 點擊圖片放大 +4 仲有一隻好大嘅長毛象呀~ 當然我本人今次嚟嘅最主要目的就係嚟集郵,好可愛嘅森仔呀(森仔嚟緊都會係4月11及12日下午二時至四時不定時出現呀)~ 我地仲見到好得意嘅LITTLE K妹妹,佢真係好可愛呀,希望好快又可以一齊玩呀~ 影左一輪相,小小豬嘅耐性已經到左極限,所以係時候去玩佢至愛嘅攤位遊戲啦~ 工作姐姐就好細心咁教小小豬點玩依個遊戲~ 知道遊戲點玩,就開始過三關啦! 第一關「浮冰跳跳跳」,單腳跳過啲冰河運冰塊。依個小小豬竟然主動請姐姐拖佢手一齊去,我話我拖佢都話唔好,真係激C,亦都辛苦姐姐了~ 第二關「齊齊擲冰塊」,利用運左過冰河嘅冰塊,擲向冰河世紀嘅朋友。依個小小豬越擲越前,好在姐姐好人放過佢,如果唔係一定過唔到關呀...哈哈哈~ 最後一關就係「壓軸滾雪球」,其實即係碌保齡方式推跌冰河世紀嘅朋友~ 點擊圖片放大 玩完就有獎品啦~ 依隻豬仔來來回回玩左四次有多,玩到姐姐們都認得佢啦,唔係因為之後約左朋友,我估佢仲有排玩呀!唔係講笑,依個傻仔今日都嬴左好多禮物,收獲真係非常豐富呀~ 除左攤位遊戲之外,我地仲去影3D拍照(嚟緊都會係4月11及12日下午二時至六時都有得影呀)~~ 原本係小小豬一個影,點知依個百厭豬次次去到最後影一刻時都去做啲古怪動作,攪到在場哥哥都同佢影左幾次。雖然哥哥姐姐係非常有心機同小小豬影,不過後面都有一定人排隊,為免打擾其他人,都係三口子影啦~ 仲可以即時上載去自已嘅FACEBOOK同埋有得PRINT-OUT,真係非常貼心呀~ 張相片真係好有3D效果呀~ 原來復活節依個繽紛嘉年華只係頭炮,接住仲有更加精彩嘅節目,就係暑假由全球最受觀眾歡迎的動畫電影系列「ICE AGE 冰河世紀」改編而成之「冰上動感 冰河世紀LIVE! 香港站 長毛象大冒險」音樂劇將於香港亞洲國際博覽館Arena舉行呀~ 係今日繽紛嘉年華中都有播放少少片段金小小豬睇完之後即刻問我幾時帶佢去睇表演添呀!我係網上搵到一個小片段,同大家分享下呀~ https://youtu.be/nnD15FzQ744 睇預告片段都覺得精彩,所以真係超級期待暑假可以同小小豬一齊入場,親身感受「冰上動感 冰河世紀LIVE! 香港站 長毛象大冒險」呀! 原來依家LIKE「ICE AGE LIVE HK」FACEBOOK,之後上一張同 Ice Age 有關的去佢地專頁,獲得最多讚好嘅相片就有機便有機會贏走兩張門票啦~ 一向多LIKE活動獎品都應該冇我份,所以都係買飛好啲啦....哈哈哈! 「冰上動感 冰河世紀LIVE ! 香港站 長毛象大冒險」音樂劇 世界巡迴演出之亞洲首站 地點 : 亞洲國際博覽館Arena 票價 : HK$680 / HK$500 / HK$380 大會更特設家庭套票優惠,只要於同一交易中同時購買 4 張$680之門票,便即可用優惠價 $2,400 購買。 演出日期及時間 : 2015年7月23, 24及26日 / 晚上七時三十分 (廣東話) 2015年7月25日 / 晚上七時三十分 (英語) 2015年7月26日 / 早上十一時正 (國語) 2015年7月26日 / 下午三時正 (英語) 由即日起門票係城市電腦售票網開始公開發售,有興趣朋友快啲去買票,揀個靚位睇精彩表演啦: http://ticket.urbtix.hk/internet/zh_TW/eventDetail/26240 MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※