29 MARCH 2015(SUN) 彈彈彈...彈左差唔多三個鐘之後，係時候要休息一下(我指係我兩個大嘅，小小豬仍然係精力無限)。依期搵食最好地方當然係日和號，因為我想試個叮噹系列好耐啦~ 其實早係二月嘅時候，係FACEBOOK都見好多朋友仔洗版式咁POST一系列叮噹食物，我當然係好想去試下啦。雖然我地成日去MEGABOX，不過真係搵唔到機會。 直到今日問小小豬想食乜時，佢話想食烏冬，就係咁我可以去搵叮噹啦~ 睇下叮噹限定食物有咩食先~ 周圍都有好多叮噹呀~ 點擊圖片放大 +3 當然唔少得兩個主要佈景，趁未開餐先同小小豬去影下先~ 點擊圖片放大 +2 影完相時間剛剛好，可以開餐啦！ 小小豬嘅牛肉烏冬，估唔到個份量都幾大，真係完全唔似下午茶餐呀~ 大肥豬嘅壽司餐，除左有壽司之外，仲有小丸子同埋細烏冬呀~ 主角到啦，我叫左記憶麵包~ 真係好靚呀，不過就俾大肥豬話其實係兩塊多士加啲生果，佢話唔抵呀！哈哈哈....食依啲都係依個樣嘛，睇我同小小豬咁開心都抵番晒啦~ 開開心心又一餐，雖然日和號嘅食物都冇"叮"一聲咁好食，不過間唔中嚟食下啲主題餐都幾好呀，唔知下次又會做邊個主題呢？ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
