28 MARCH 2015(SAT) 謝謝Shemom的邀請,今日我地三口子去左韓食家參加親子韓風烹飪樂,跟韓國老師學整韓式親子飯團呀~ 其實我同小小豬間唔中都會嚟親子廚房,不過都係整甜品為主,印象中都好似係試過整一次日本飯團。之前好少整,再加上依排韓風仍然係吹得好勁,所以我自己都好期待呀! 一嚟到會場,已經急不及待要換上靚靚韓式廚師衫啦~ 今日為教我地嘅導師MS.CHOI(白衫那位),佢係韓國人嚟呀,由於我地唔識韓語,所以佢就用簡單英文加少少廣東話同我地溝通,所以大人小朋友都聽得明白呀~ 好啦...開始上堂,各位小朋友都好專心睇MS CHOI示範,小朋友同MS CHOI都好互動呀~ 點擊圖片放大 睇完示範,就到我地開始整啦!首先就加啲鹽同芝麻油醃下啲飯先~ 然後就可以將飯整成波波飯團~ 最後就可以係紫菜上面碌碌碌~ 小小豬好努力咁繼續整,又剪啲紫菜做裝飾~ 點擊圖片放大 +2 經過一大段時間,我同小小豬努力成果終於面世啦!雖然比起老師嘅真係差好好好好遠,不過都應該叫做剛剛合格啦...哈哈哈~ 好在老師都有讚小小豬叻叻~ 老師嘅製成品真係好靚呀~ 依個為食豬見個製成品已經二話不說開始食啦~ 我地完成左親子飯團之後,老師仲即場示範豆腐柚子沙律添~ 點擊圖片放大 排隊等食中~ 不過可能小小豬食唔習慣柚子那種味道,所以食左一啖之後就唔再食。但我同大肥豬都覺得個味道唔錯,好清新嘅感覺呀~ 小小豬話 : 我地係鐘意食飯團多啲~ 一向鐘意親子廚師嘅我嚟講,我覺得今日活動真係好好玩,學到整飯團個技巧之外,又學識同粒飯團扮靚靚,所以一離開會場之後,小小豬就已經問我幾時再整飯團啦 ! More Information : Website:http://www.baab.com.hk/ Facebook:https://www.facebook.com/pages/Baab-%E9%9F%93%E9%A3%9F%E5%AE%B6/174573702561017 MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※