25 MARCH 2015(FRI) 蒜蓉粉絲蒸扇貝之前我都煮過(按此重溫),不過今次我就試下用另一個方法嚟整,睇下會唔會好食啲~ 其實今日都冇特別煮食個餸,不過同小豬爸行街市時,見到啲扇貝超級大隻,所以就買左啲返屋企煮啦~ 唔係講笑,真係粒粒都好大呀~ 海鮮檔幫我將啲扇貝開蓋,不過佢地就唔會洗,所以第一個工序就係乾淨及去除不吃的器官。洗乾淨之後睇,啲扇貝仲大呀~ 粒粒都大過個五蚊銀,仲肥嘟嘟呀~ 粉絲用溫水泡軟備用,然後粉絲加入蒸魚豉油及半粒分量蒜蓉攪拌,醃大約三十分鐘~ 點擊圖片放大 將另外半粒分量蒜蓉放進鍋中炒至金黃~ 將粉絲及炒過的蒜粒放在每一隻扇貝上~ 蒸鍋水開滾開後,大火蒸5-8分鐘,然後撒上蔥花,就可以開餐啦~ 依個煮法我覺得好食好多,可能因為係啲粉絲吸引晒啲豉油味,再加埋啲炒過蒜粒,香口好多呀! MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※