25 MARCH 2015(FRI) 依排啲天氣都真係幾討厭,濕濕笠笠咁,都真係攪到人都攰攰的,所以今日就煲左赤小豆南豆黃瓜湯,等大家可以袪濕清下熱~ 好多袪濕湯都係利用赤小豆同扁豆,不過相熟藥材店店員就介紹我改用南豆嚟配赤小豆。佢話效果係相同,不過用左南豆嚟煲啖湯會好飲啲。 見佢介紹得好似好好咁,所以就用買左$10嘅南豆及赤小豆啦~ 將南豆、赤小豆及蜜棗浸洗備用~ 果皮浸軟刮囊~ 豬骨洗淨,然後汆水~ 黃瓜去核切件~ 煲內加入約3L水,然後加入果皮~ 煲滾水後,將各材料放入再煲滾~ 待再煲滾後,然後改用細火煲約1.5小時~ 最後落鹽調味,就可以飲得啦~ 依個湯好味唔在講(因為大家都飲左好多碗,話咁快就清晒呀....哈哈哈),不過我覺得好在就係可連湯料同食,煲湯黃瓜真係好好食呀! MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※