25 MARCH 2015(WED) 哈哈哈...小小豬食咩食得咁得戚？咪就係我係FACEBOOK跟朋友仔學整嘅懶人食譜 - 麥精燉蛋~ 一見朋友仔分享依個煮法時，我都已經勁有興趣，加上佢地好多人試煮過之後都大讚好味，所以我都要一定要試試，因為懶人煮法就最啱我呀！ 有幾簡單，一包250ml麥精同埋兩隻雞蛋就得啦~ 首先打好雞蛋，然後加一整包麥精~ 攪勻後過篩，等蛋可以平滑啲~ 最後蓋上耐熱保鮮紙(其實係錫紙，不過屋企剛剛用晒)~ 滾 水滾後蒸12分鐘，然後熄火焗5分鐘~ 好味嘅麥精燉蛋就出爐啦~ 本身麥精都有甜味，所以我覺得都夠味，不愛鐘意食甜嘅朋友仔可以加糖呀！我覺得都係好好食，有好香濃嘅麥精味，個口感又好滑，感覺幾得意~ 你見隻為食豬急不及待要熱辣辣食，就知係好味啦~ 其實依個懶人燉蛋真係唔錯，好味又易整，我見亦都有朋友仔用豆奶...朱古力奶...屋仔奶嚟整，變化都好大，等我下次又試下用其他飲味嚟整先！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
