18 MARCH 2015(WED) 小小豬今日又變身成為小廚師，整一款小甜品呀~ 其實依款甜品我係網上見到，剛好屋企仲有一包棉花糖係度，所以我試下用，唔知用棉花糖嚟做奶凍會係呢？ 第一個步驟就當然係洗乾淨啲藍梅先啦~ 準備100g嘅棉花糖~ 鮮奶280ml~ 先將牛奶倒入鍋中加熱~ 然後加入棉花糖~ 邊加熱邊攪拌，等棉花糖融化就可熄火~ 等一陣放涼~ 因應個人口味，將藍梅放入小杯內~ 然後將棉花糖牛奶融化液分至小杯中~ 原來依個分量只足夠整兩小杯，所以將剩餘嘅藍梅加埋小杯內，小小豬話多啲好味啲哦~ 蓋上杯蓋，就可以放入雪櫃啦~ 今晚嘅我地又有飯後甜品啦(般放入雪櫃雪約1小時就食得啦)~ 有得食依個為食小小豬當然開心，尤其係佢自己整嘅，當然係特別興奮，仲睇見佢有一份成功感呀~ 棉花糖奶凍個口感有啲似雪花糕，而且唔會覺得好甜，所以都好啱小朋友食呀(如果愛甜嘅朋友仔可以係加熱鮮奶時，依自己口味加入糖)~ 依款甜品都幾多變化，除左藍梅之外，可以加其他生果。趁屋企仲有半包棉花糖，過兩日又再整過先得！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※
