11 MARCH 2015(WED) 原本今日放學答應左小小豬佢上堂留心的話，就會帶佢去買即炒粟子俾佢食。點知今日粟子伯伯冇開工，所以買唔到啦！ 雖然冇得買炒粟子，不過答應左小小豬又唔想令佢失望，所以改一改今晚嘅餸，煮個粟子炆雞，等小小豬都有粟子食啦~ 材料都係用左三隻新鮮雞睥(斬件)、粟子同薑~ 由於事出突然，所以今次我就懶少少就係惠康買現成已經去殼的粟子~ 雞睥洗淨後加少少老抽、生粉、麻油、胡椒粉及黑糖醃半小時~ 粟子先用3杯水煮至熟，但不要煮爛，要原粒呀~ 加油燒紅鑊後，爆香薑灒酒，然後加入雞睥~ 待雞睥煎香後，加入栗子及下蓋過材料一半的水，細火炆大約十分鐘~ 加入少少鹽作調味，最後加埋芡至汁杰身，就可以上碟，食得啦~ 味道都叫做唔錯，兩位老闆都食食得津津有味，尤其係小小豬，見到啲栗子都不知幾高興。 上次煮栗子炆排骨(按此重溫)時我炒到啲栗子散散地，今次炒完大部分都係原粒栗子，所以都增添幾份滿足感呀！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
