28 FEBRUARY 2015(SAT) 小小豬一有得食佢就特別興奮，今次仲要食的咁得戚。緊係啦...因為佢食緊自己整嘅光波蜜糖蕃薯呀~ 其實好耐都冇同小小豬嚟親子廚房，突然口痕痕想食嘢，屋企剛好又有蕃薯，所以就嚟食下又親子一番啦！ 依家小小豬都開始大個仔，所以係我地嘅指引之下，都可以入廚房整下嘢食啦！ 首先洗乾淨粒蕃薯先~ 然後將蕃薯去皮，依個步驟原本小小豬都好想一試，不過就連我都成日都刨到手，所以都係我嚟做依個重要任務，小小豬負責睇住啦~ 之後將蕃薯切粒粒，切切嘅工夫小小豬平日都可以做到，不過啲蕃薯實在太硬，所以都係我做啦~ 先將蕃薯切粒粒用水烚十分鐘~ 之後等放乾，由於我切啲粒粒細左啲啲，所以有少少散。建議大家要切大件啲呀~ 因為個人口味嚟準備蜜糖~ 將每件蕃薯塗上蜜糖~ 之後就可以放入光波爐~ 最後再以240度焗10分鐘~ 一碟脆口甜甜嘅蕃薯出爐啦~ 想知有幾好味，睇小小豬個為食樣就知啦~ 點擊圖片放大 平日係屋企都可以食一個滿足嘅下午茶，又可以親子一返，所以話係屋企都要存定多啲唔同種類嘅食材，咁就可以隨時同小小豬又食又親子一番呀！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
