20 FEBRUARY 2015(FRI) 我地三日嘅新春內地之旅最後一日，我地先去食早餐，之後就出發去我地第一個行程，就係去華陀山公園~ 其實依度都都冇乜特別嘢睇，不過領隊話行上山上，就會有好多唔同種類嘅中藥材睇。我地當然係對啲山草藥冇興趣，加上又咁多級樓梯，所以都係留係原地方企下就算呀！ 我地就話年紀大唔行樓梯，不過依個精力旺盛嘅小小豬又點會肯企定定等夠鐘呀。最後又係由舅父仔同LULU姨姨出馬，陪個姨甥跑樓梯~ 行左幾轉樓梯之後，小小豬就發現左公園旁有間小賣店，有好多玩具呀~ 就係咁小小豬就有新嘢玩，就係去放風箏啦！依個傻豬仲捉住兩位姨姨陪佢玩，真係難為了兩位陪跑了~ 點擊圖片放大 +7 原本以為要係公園留四十五分鐘係一件慘事，不過睇全佢地玩下風箏，話咁快就夠鐘。今次仲係小小豬第一次放風箏，估唔到當小小豬都算學識時就夠鐘，貪玩嘅小小豬仲唔肯走呀！ 唔緊要，我地都帶左風箏返香港，到時去郊外地方再玩過啦！ 離開公園我地就去食午餐，今餐都係食自助餐，不過食物就普通啲，所以唔多講啦。不過當小小豬食飽飽之後，佢就美其名帶小豬爸出去拎嘢食，但其實係想公公陪佢玩朱古力嘖池，來來回回都玩左唔知幾多次呀~ 我地行程最後一個活動點，就係去參觀杏仁餅店(即其實係叫你買手信啦)。原本都以為會好悶，不過好在有一個位置可以俾我地自制杏仁餅，所以小小豬又有得玩啦~ 點擊圖片放大 +5 做完造餅師，小小豬又變身為售貨員，因為佢不停好熱心咁同我地講：快啲買啦...有特價呀...好平呀~ 點擊圖片放大 +2 最後仲好落力幫手去俾錢呀~ 隨住我地買埋杏仁餅之後，我地又坐返長長長途車返香港啦！我地今次嘅行程雖然唔算去好多地方，不過勝在簡單得嚟都幾舒服，輕輕鬆鬆啦！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
