19 FEBRUARY 2015(THU) 離開左午餐地點之後，我地就向下一個目的地進發，就係去參觀陳白沙故居博物館~ 老實講，我一向對歷史都冇興趣，再加上個導遊又冇乜點介紹，所以都唔知陳白沙係個咩人，只係知道佢古代好有名啦！ 新年你都唔好諗遊行圍會帶你去啲咩熱鬧地方，嚟依啲公園俾你行下都叫好。不過依度個環境都算幾清靜，同圍行下都OK啦~ 一直擔心嘅事終於都發生，不過都只係毛毛雨，所以都唔影響我地周圍行，小小豬著住件雨衣仲不知幾高興添~ 點擊圖片放大 落雨都係室內活動好，睇佢地兩公孫幾專心睇展品~ 行晒所有展覽廳都好多時間，所以就搵個地方HEA下，休息一下啦~ 點擊圖片放大 +3 小小豬一本正經個樣係度做乜~ 哈哈哈...就係為準備為大家講故事呀~ 講埋故事時間都仲未夠鐘，坐度等都唔係辦法，加上見雨都停左，所以我地就去附近超市SHOPPING，為大家嘅宵夜做好準備啦~ 好攪笑嘅細細支可樂，好得意呀，仲要都只係$2，好似好抵呀~ SHOPPING完之後，時候就剛剛好，我地去食晚餐啦！ 除左係超市見到細細支可樂之外，入到餐廳就見到大大盒嘅檸檬茶呀~ 旅行團嘅晚餐都唔預有啲咩，不過今餐真係有啲驚喜，因為係食一個大大大大嘅盤菜呀！ 個盤菜有幾勁，要用個火爐推出嚟~ 仲要由兩位大力男仕搬上枱呀~ 好似好豐富咁哦~ 種類多、味道都算做OK，大家都叫做食飽飽啦~ 食飽飽就準備返酒店，小小豬繼砂炮之後，又玩左一樣新玩意啦！ 《續待》 MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
