9 MARCH 2015(MON) 今日去帶左小小豬返學之後，我就去左鰂魚涌公園一轉，因為想去搵下傳聞嘅鬧市中的櫻花樹。 今日一見，比我係網上相片見嘅靚好多呀~ 其實初時係網上知道鰂魚涌公園有一棵櫻花樹時，我都已經好想去睇下見識下。因為除左N年前蜜月旅行係日本見過一次之後，都冇見過櫻花，原本都有考慮過入長洲睇櫻花，不過大肥豬又冇依個興趣，所以一直都只係得個"諗"字。 既然知道係咁近嘅地方有得睇，當然想去觀摩下，見今日天氣都幾好，所以就去睇/影一轉啦~ 其實全場都只係一棵櫻花樹，不過就俾好多人圍，個個都想影靚靚櫻花~ 當然我係其中一個圍佢者，唔覺唔覺我都對住依棵櫻花樹影左半個鐘，自己都覺得有點傻，不過咁靚嘅櫻花，真係影多啲都唔會覺多呀！ 遠睇就好似唔多覺靚~ 不過唔同覺度睇，真係好唔同，啲櫻花好靚呀~ 點擊圖片放大 +7 除左我地之外，都有小蜜蜂對櫻花好有興趣哦~ 點擊圖片放大 +2 就連平日唔多鐘意影花嘅大肥豬睇完啲相之後都話啲櫻花靚，仲讚我影櫻花嘅角度攞位唔錯添，真係聽到我有啲飄飄然。當然比起專業人仕我啲櫻花相都可能係差好遠，以一個師奶仔嚟講都算OK啦，不過最重要係自己同身邊人都覺得靚就夠啦！ 我自己就覺得影得好靚，你地覺得呢？.....呃下我都好呀....哈哈哈！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
