6 MARCH 2015(FRI) 依家我地基本上每星期五都約好左返小豬爸屋企，由我做大廚一齊開開心心食晚飯金金今日陪小豬爸一齊去買餸時，佢見到啲聖子都幾靚，所以就買左啲嚟整豉椒炒聖子啦~ 老賓講，小豬爸話買嚟煮嘅時候，唔多唔少都有少少驚，始終之前都係未煮過，所以都驚煮得唔好食。不過好在賣海鮮那位姐姐非常好人，佢教左我用最簡單方法去煮，聽佢講又好似好簡單，所以就試下啦！ 材料就只係1斤聖子、豆豉醬、蒜頭5粒、1隻紅椒~ 將半個蒜頭剁成蒜蓉，紅椒切片~ 我覺得煮嘅過程都唔複雜，洗聖子先係難呀。雖然海鮮檔都幫我開左肚洗左啲污穢物，不過仲仍然有好多沙嘅物體係度，所以就要努力咁續隻洗洗洗呀~ 洗淨後放入滾水中略煮撈起，瀝乾水份備用~ 點擊圖片放大 下鑊滾油爆香蒜蓉及紅椒~ 之後落兩湯匙豆豉醬~ 加入聖子及小小水，快手炒炒炒，炒大約三分鐘至離殼~ 可以上碟食得啦~ 第一次煮都算係成功啦，可能汆水過程我遲左少少撈起，所以感覺上好似熟左啲啲，下次再煮一定要留意下先。 不過慶幸各家庭成員都對我都非常包涵，都讚我煮得好食，所以都令我非常有滿足感呢！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
