25 JANUARY 2015(SUN) 今日突然好想食熱騰騰嘅糖水,見屋企有木瓜同鮮奶,所以就整個暖笠笠嘅木瓜燉鮮奶啦~ 木瓜1個、鮮奶、紅棗5粒、 冰糖一粒~ 冰糖用半杯水煮溶~ 紅棗洗淨、去核~ 木瓜去皮及去瓤,然後切件。唔好切大細粒,如果唔係一陣食木瓜時就冇口感啦~ 將鮮奶、木瓜肉、紅棗、冰糖水放入燉盅內~ 其實鮮奶份量最好就剛蓋過啲木瓜,所以我落左一包半盒鮮奶~ 然後放入電子燉煲內燉半小時~ 可以食得啦~ 平日我自已都係多數煮木瓜雪耳糖水(按此重温),用木瓜嚟燉鮮奶都係第一次,味道方面其實都幾好食,木瓜同鮮奶個味道真係好夾。 不過兩者嚟比較,可能我鐘意食雪耳關係,所以愛好都徧向木瓜雪耳多啲啲...哈哈哈! MY FACEBOOK~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※