10 DECEMBER 2014(WED) 早係前幾日小小豬行過美心時，見到兩個FROZEN甜品企定定睇左好耐都唔願走，最終都因為小小豬唔食得朱古力關係，我係冇買到。 今日行過見買兩個有折扣，加上又嚟到每月十號，小小豬又大一個月，所以就買嚟俾小小豬睇吓(哈哈...真係睇吓)，開心吓啦~ 其實小小豬又真係冇乜點接觸過FROZEN，極其量都係去過睇電影(按此重溫)，就算我係屋企睇DVD時都係等小小豬瞓左先睇，所以都真係有少少唔明白點解小小豬會識FROZEN。 我估都係學校啲同學仔講過啦，所以真係可以話FROZEN無處不在呀！ 上次行過美心冇買，今日突然間係佢面前，睇吓小小豬個開心樣~ Elsa依一個其實係白朱古力慕絲杯~ Elsa & Anna嗰一款就係朱古力慕絲杯~ 中間嗰一個其實就係匙羹嚟呀~ 由於兩款都係朱古力，所以小小豬真係有得睇冇得食，不過好在每杯都有三粒棉花糖，咁小小豬都未至於咁慘，佢食依六粒棉花糖都可以話食得津津有味呀~ 哈哈...其實慘嗰個都應該係我，因為要一次過食兩杯朱古力慕絲杯，不過慶幸兩杯嘅味道都唔錯，食起上嚟都唔會覺得好甜，內層個慕絲都好鬆軟，所以食得多都唔會覺得膩，只係實行又肥多兩磅呀！ 其實我肯點依兩甜品唔多唔少都因為個甜品杯，除左係因為FROZEN之外，今次依個甜品杯係以原個設計，即係今次食完洗乾淨之後就可以用嚟循環再用呀~ 今次小小豬睇住我食咁慘，就等我快啲用依兩個FROZEN杯整其實甜品俾佢食，等佢開心吓先得！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
