14 OCTOBER 2014(TUE) 今次係MyBB試用小隊抽中左試用合昌海產嘅美國野生鱷魚肉，所以小小豬又有機會飲靚湯啦~ 其實我嘅氣管都唔係咁好，所以一到秋天我嘅氣管敏感症又會發作，所以之前小豬媽一到入秋時，都僧煲啲鱷魚肉湯俾我地打打底。因為鱷魚肉有助健肺、除痰、順氣、止咳及增強肺部機能運作，所以都真係非常啱依個入秋時份飲用。 不過，之前我都都係多數用「急凍」鱷魚肉嚟煲湯，今次都係第一次用乾品，所以係未煲之前都有少少期待呀！ 每一包美國野生鱷魚以二兩獨立包裝，而且列明各項成份，真係食得安心又衛生~ 包裝上詳細列明食用功效同建議食法~ 雖然依啲係鱷魚肉乾品，不過摸上手一啲都唔會硬碰硬的，仲會見到啲鱷魚紋添~ 經小豬媽教路，最後我都係決定清清地用嚟煲海底椰川貝鱷魚肉湯。因為依個湯有滋補肺腎，化痰止咳功效。對小朋友肺氣弱容易咳嗽及氣管都好有幫助。 材料：鱷魚肉1包、瘦肉$20、海底椰3錢、川貝母3錢、南北杏1兩、陳皮1塊、蜜棗3粒~ 鱷魚肉洗淨，汆水備用~ 煲內加入約3L水，然後放入鱷魚肉及瘦肉~ 加入已浸洗的材料~ 最後加入已浸軟去囊的果皮~ 將全部材料放入煲內，先用大火將煲滾~ 之後再轉用小火煲約2個半鐘~ 最後因應個人口味，加入適量嘅鹽，就咁可以飲得啦~ 我都曾經有擔心過用乾品嚟煲涉會唔會好腥呢？我同大肥豬飲完都覺得個湯完全冇腥味，仲覺得好鮮甜添。 其實睇小小豬飲得咁投入就知個湯好味啦，個為食豬仲飲完一碗又一碗添...哈哈哈~ 見小小豬咁鐘意飲，仲有一包美國野生鱷魚肉，等我下星期再煮多一次俾佢飲先得。 其實除左個味道唔錯之外，我都覺得乾品鱷魚肉存放同煲嘅過程都好方便，所以之後都可以考慮改用乾品鱷魚肉嚟煲湯啦！ More Information : Website：http://www.hopcheong.hk/ Facebook：https://www.facebook.com/hopcheonghk?fref=ts MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※
