4 OCTOBER 2014(SAT) 話說小小豬返嘅足球班係需要有自家嘅足球衣，經過幾星期嘅準備，教練為大家訂製嘅團體球衣已經到我地手啦！ 小小豬著住套新球衣係唔係好有型呢~ 背後仲有埋小小豬個英文名，同埋佢個編號。原本係可以揀個人心水號碼，不過最後為免加重教練工作，所以我地就隨教練安排。估唔到都有個好數字，八號仔就係小小豬啦~ 套衫對小小豬嚟講好似大件左好多，尤其係條褲，著左上身就好似著左裙仔咁。小小豬依一套已經係最細SIZE，所以只好怪小小豬太細粒啦！ 不過，睇見小小豬著住依套新球衣去踢波，真係覺得特別攪笑，見佢跑住嚟追波個樣又好似特別可愛添。 因為小豬媽話好想睇小小豬踢足球個樣，所以我今堂就帶左部DV去影低小小豬個球資俾小豬媽睇。雖然今日小小豬又好似發發地夢，未到佢踢時就游雲咁，好在到佢嘅時候都可以返番嚟，咁都算佢啦！ 為免阻礙小朋友上堂同影響小小豬，所以我都係企係遠遠處嚟影，好在部DV拍攝功能都唔錯，所以都算拍到幾條片俾小豬媽睇。 係咁多條片中，就等我係度同大家分享一段小小豬嘅足球片段啦(唔識放上嚟，有興趣朋友仔可以CLICK入去睇啦)~ http://www.youtube.com/watch?v=ZVC5xQ9eZ_A 小小豬好似好英勇咁，可能踼入個指定位置，但其實係哥哥讓佢先可以入球。不過個傻豬聽完阿SIR讚完佢之後，睇得出佢係係發自內心咁高興，投入度即刻急劇上升，仲係度跳嚟跳去，真係俾佢笑C呀！ 不過，其實在場所有小朋友都係踢得好落力，佢地踢波個認真樣又真係幾好笑，睇見佢地人都開心啲呀。 今日小小豬上完足球堂之後突然大喊，原來佢係仲想繼續踢波唔想落堂。 扭計喊雖然係唔啱，不過反而我覺得開心，因為真係估小小豬唔到咁鐘意踢足球，希望佢可以KEEP住繼續鐘意，俾心機去學，唔係希望佢可以踢到有幾叻，只係想佢可以好ENJOY咁去踢，同埋學懂可以同其他同學仔互相合作呀！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※ ※※ Cook 1 Cook 星級廚師 ※※
