2 OCTOBER 2014(THU) 小小豬係度飲緊乜呢？仲乜要CHOK晒個樣嚟依一杯就係可以止咳化痰嘅蒜頭水嚟呀 ~ 其實上星期因為小小豬唔舒服，早朝咳到晚，仲要唔多停，所以最後我地都帶左佢去看西醫。 食左西藥之後係咳少左，不過啲痰都真係唔多清得晒，間唔中都聽到啲痰困住嘅聲，所以都係要諗辦法清清佢。 原本我打算整啲洋蔥水俾小小豬飲，不過朋友仔就教我煲蒜頭水，佢話比洋蔥水快見效，所以我又嚟試吓煲俾小小豬飲啦~ 蒜頭唔洗用晒成個，只需要八粒仔就足夠啦~ 將蒜頭去衣，之後就拍鬆佢~ 煲內加入一碗水，之後落少少冰糖同蒜頭~ 煲大約十分鐘~ 可以飲得啦~ 其實煮嘅過程個蒜頭味都真係幾勁，不過試飲時覺得飲落又唔算太重蒜頭味，仲有少少甜甜地添！ 雖然個味都唔算太難飲，不過初時小小豬都唔太願意，最後要用佢最心愛嘅玩具，利誘佢先肯乖乖就範呀~ 不過話時話，早上飲左一杯之後，全日小小豬都又真係冇咳過，就連痰痰聲都冇，所以我夜晚都有再煲多一次俾佢飲，撤低清清佢呀！ 由整至煲嘅過程都唔洗十五分鐘，咁就可以對付啲咳同痰，蒜頭水真係好神奇。其實唔止小朋友，如果成年人有咳，都可以飲蒜頭水嚟止咳化痰呀！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※ ※※ Cook 1 Cook 星級廚師 ※※
