30 SEPTEMBER 2014(TUE) 早排係網上見到有朋友仔介紹整黑糖鮮奶燉蛋,見個整法都幾簡單好似好易咁,所以今日又嚟試吓整啦~ 材料就係需要:雞蛋2隻、熱滾水125g、黑糖45g、鮮奶125g~ 先將雞蛋打勻備用~ 鮮奶倒入蛋汁中拌勻~ 再黑糖粉分四次加入滾水中,慢慢拌勻等黑糖溶化成為糖水~ 糖水倒入蛋汁中拌勻~ 然後放入碗內~ 之後以中火蒸約十五分鐘~ 話咁快就可以有得食啦~ 雖然個表面就好似醜樣左啲啲,我估用慢火嚟蒸,應該會好好多,下次等我改良吓先得! 不過入面嘅蛋蛋又真係好滑,而且唔算太甜,比起用冰糖好味好多又健康好多呀~ 其實我都幾鐘意食燉蛋,不過廚藝唔太好,所以成功嘅機會率唔多,亦都因為咁我都係比較少整。有左依個成功嘅經驗,我可以成日整嚟食啦! MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※ ※※ Cook 1 Cook 星級廚師 ※※