14 SEPTEMBER 2014(SUN) 由於小小豬知道我幾日前自己去左迪迪尼睇新巡遊，所以依幾日不停咁話又話要去睇巡遊(阿仔...個新巡遊要十月一日先有得睇哦)。 趁今日係銀咭日，所以就入去玩一轉啦~ 其實小小豬都已經入過嚟N次，所有佢鐘意玩嘅遊戲設施佢都不知幾熟路。 不過佢今日就嚟遊客上身，入園第一時間就係去拎份地圖，仲似層層咁一邊行一邊睇，帶我地去玩添~ 點擊圖片放大 +2 突然之間個傻仔係度跑，原來佢見到個職員，要問佢地飛碟點去呀！真係有少少唔明白小小豬依個行徑，不過既然佢識主動走去問問題，我都應該欣賞佢。當然亦都要多謝職員哥哥姐姐有善嘅配合啦~ 今日雖然係銀咭日，不過都唔算太多人，所以玩飛碟都唔洗點排隊呀~ 不過玩小小世界就多人少少，我地都排左二十分鐘呀！不過我地落船時就見到冇乜人，所以話玩小小世界都真係要好睇彩數呀~ 原本都已經離開左明日世界，點知個小小豬又帶我地行返轉頭，目的當然係要去玩巴斯光年啦~ 點擊圖片放大 哈哈哈...睇吓我幾叻，第一次咁高分呀~ 終於都左小小豬最期待一個環節，就係睇巡遊啦！未有得睇『光影匯』，睇飛天巡遊小小豬都一樣咁開心。不過，天氣實在太熱又曬，小小豬都熱都冇乜MOOD啦~ 點擊圖片放大 又到左出去玩時間，今次小小豬去左同跳跳虎玩呀！不過因為職員好強硬地唔俾家長跟埋出去，所以我地都睇唔知小小豬玩成點添~ 今次小小豬終於有機會去左拉頭馬啦...哈哈哈(不過好似大肥豬仲開心過小小豬哦)~ 又到左我最驚嘅馳車天地(係驚排長龍)，依個遊戲都真係時時刻刻都係咁多人，不過今次都算好，我地都只係排左半個鐘左右就可以玩啦！今次小小豬仲點名要大肥豬陪佢玩，睇佢兩父子玩得幾開心~ 點擊圖片放大 繼續向反斗奇兵出發~ 入嚟當然係主要去玩彈弓狗啦！由於當然一批夜場人仕都已經開始入嚟玩，所以都人都開始多起上嚟，估計要排成四十五分鐘。不過小小豬都堅持要玩，所以冇辦法唯有照排啦~ 依個時候黑仔王又嚟啦，事緣我地都排左半個鐘，差唔多到我地嘅時候，突然宣佈因為雷電關係，所以戶外遊戲暫停，所以冇得玩呀~ 我地都係第一次遇到依啲情況，真係有少少掃興呀！不過安全係最重要，只可以當我地唔好彩，浪費左啲腳骨力啦~ 亦都係因為天氣開始唔多好，見到好多黑雲，再加上入嚟玩夜場嘅人越嚟越多，所以我地都決定回家了！ 下一次入嚟都應該係要等十一月嘅銀咭日，到時就可以同小小豬一齊睇夜間巡遊啦！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※ ※※ Cook 1 Cook 星級廚師 ※※
