26 AUGUST 2014(TUE) 生日哦...當然要去我最鐘意嘅地方玩返轉先得啦，依個知唔係迪迪尼啦~ 由於一早就去左影樓影家庭照(請按此)，所以其實都有少少趕，原本都以為可以趕得切入嚟睇巡遊，等小小豬出去玩一轉同花車跳舞。 我地最後都係趕唔切，入到樂園個巡遊都已經去到尾升，不過都叫做睇到少少，等小小豬開心吓啦~ 點擊圖片放大 個傻仔仲好唔捨得咁，要跟住個巡遊隊伍呀~ 之後我地去玩巴斯光年，真係從未試過玩巴斯都要排半個鐘，不過既然小小豬肯排隊，又可以當一個小訓練啦~ 出到SHOP例必去攪攪陣~ 點擊圖片放大 +3 小小豬繼續帶我地去玩，今次去玩小小世界，又係排隊半個鐘先上到船~ 玩完出嚟剛好可以睇到個時鐘SHOW，小小豬話佢未睇過，所以又嚟睇一陣先~ 之後去睇3D劇場，終於唔洗排隊啦，可以俾我對腳休息一陣啦~ 一完SHOW就即刻問我地拎晒啲3D眼鏡，原來係想幫我地放入回收箱~ 依排入迪迪尼都好少去反斗奇兵，今日又去行吓先~ 終於俾我搵到暑假先有嘅佈置啦，不過如果好似廣告咁有埋巴斯係度就正啦~ 唔行過嚟都唔知，原來依度仲多人過大街出面。小小豬見到彈弓狗又話想玩，但要排成四十五分鐘，都真係唔多想排。 不過見到佢咁誠意個樣，又加上一個錫仔嘅DADDY，所以最後當然戚有去排啦~ 點擊圖片放大 行過小店又嚟攪攪陣冇幫襯~ 點擊圖片放大 之後我地去玩迷離莊園，離奇地今次只係排15分鐘就玩得啦！入嚟咁多次，原來大肥豬都係第一次玩呀~ 玩完出嚟都天黑黑啦，之後我地去玩飛碟，之後又去攪攪陣。依個小小豬真係好鐘意玩依個噴水樽，等我等到迪迪尼有大減價時一定要買個俾佢呀~ 點擊圖片放大 最後我地就去玩埋木馬~ 點擊圖片放大 食埋個晚餐之後就等睇煙花啦！次次入園都好想睇，不過冇一次係可以留咁夜，終於今日生日大晒，可以睇埋煙花先走啦~ 點擊圖片放大 +2 雖然之前都睇過，啲煙花真係好靚，配合埋個音樂，真係好鐘意呀！不過....原來小小豬係唔鐘意睇，一邊睇就一邊問我地睇完未，要返屋企，真係俾佢激C呀！ 可能小小豬都係第一次睇，有少少驚啦！等我訓練多佢幾次，咁佢就會同我一樣鐘意睇啦...哈哈哈！ 今次入園可以話係有史以來第一次冇去搵公仔影相，亦都係影相最少嘅一次，因為遊人真係實在太多，全程都係陪小小豬玩遊戲都冇晒啲時間。今日我嘅工作就係排隊...排隊....再排隊，雖然好攰，不過見小小豬玩得咁開心又投入，所以我都開心呀！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※ ※※ Cook 1 Cook 星級廚師 ※※
