17 AUGUST 2014(SUN) 自從上次我地去新城參與"爸爸媽媽你好嗎？"訪問之後(請按此)，今日我地又有機會見到PURPLE姐姐啦！ 因為我地應PURPLE姐姐邀請，嚟參加PURPLE小精靈音樂劇試堂呀~ 今日嘅課堂就係八月先開幕嘅 iSQUARE Play House E Cube Club舉行~ 嚟到PLAYHOUSE小小豬當然係極度興奮，不過我地係冇得玩住，要上完音樂堂先可以有得玩呀~ 我地時間剛剛好，嚟到就開始上堂啦！首先就係由PURPLE姐姐同另一位導師(唔好意思...我唔記得左哥哥個名添)同我地講解音樂劇班嘅上堂程度同好處。 原來音樂劇班除左訓練小朋友唱歌跳舞同社交之外，仲可以啟發小朋友嘅思考、想象力同創意呀~ 課堂就係PLAYHOUSE入面一間PARTY ROOM進行，原來依個試堂係小朋友自己上，所有小朋友都乖乖坐定定呀~ 除左PURPLE姐姐同導師哥哥之外，房入面都有好幾位工作人員協助，所以都係安全放心。 當我知道係小朋友自己上嘅時候，我就係安心，因為依個小小豬平日都係好痴身，見到大肥豬在場痴身程度簡直係DOUBLE-UP，所以佢自己一個上堂都係一件好事。 雖然我就好安心，不過大肥豬就好擔心，因為PARTY ROOM入面係完全搵唔到位望入去佢地上堂情況，大肥豬好驚小小豬係入面攪事，總之就係小朋友上堂大約45分鐘內都好不安啦！ 其他又有咩好擔心，平日小小豬上堂都係佢自己一個啦，可能係佢平日少帶小小豬返學，所以先有依個感覺，我就經過左兩年幾嘅訓練，已經習慣晒啦...哈哈哈！ 雖然我地家長冇得一齊上堂，不過在場都有職員為我地拍攝小朋友上堂情況，小小豬都好似有留心上堂，有跟住做動作哦~ 點擊圖片放大 上堂最尾一段，就係請家長入去PARTY ROOM睇小朋友嘅表演，睇吓佢地頭先學左啲咩。 坦白講，我自己知道小小豬係性格，佢係一個觀察型小朋友，冇十足把握佢都係唔會去做，所以短短一節上堂時間，我都估佢唔會跳企定定。 不過，今次又真係估佢唔到，佢又肯同小朋友一齊跳，仲係會跟住啲音樂跳得好似有板有眼~ 點擊圖片放大 +4 今次真係俾小小豬嘅行徑嚇左一跳(我指係開心到嚇親嗰種)，小小豬大個仔啦！ 課堂最後就由PURPLE姐姐同導師哥哥講解返小朋友上堂嘅情況，佢地兩位都覺得小小豬嘅音樂感好強，好快就會跟得到啲節拍，又好鐘意玩樂器(因為係課堂內小小豬見到個搖鼓之後，寧願唔要份小禮物，都想要個搖鼓玩呀！)，叫我留意多啲佢依方面加以訓練，應該都會有所作為~ 當然有乖亦都有百厭之時，依個小小豬初時都唔太投入，見到後面啲積木又要拎嚟玩，係到玩樂器時先開始進入狀態。上堂時又成日問職員哥哥幾時落堂，緊係啦....知道落堂就可以出去個大PLAYHOUSE玩嘛，真係俾依個爛玩豬激C呀！ 我地之後問返小小豬，佢都話上堂係好開心，返到屋企都仲NON-STOP咁係度唱上堂教嗰幾首歌仔添。 More information : 紫昕有你小天地 Facebook：https://www.facebook.com/purple.musicland PLAYHOUSE Facebook：https://www.facebook.com/playhousehongkong MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※ ※※ Cook 1 Cook 星級廚師 ※※
