10 AUGUST 2014(SUN) 話咁快小小豬就四歲生日，為左慶祝今日依個重要日子，我地安排左一連串節目俾小小豬，等佢過一個開心快樂嘅生日！ 小小豬生日嘅第一節目，就係去亞洲國際博覽館睇Hi5 Show啦~ 首先要非常多謝公關姐姐為我地三口子準備入場卷，真係超興奮呀~ 哈哈哈...我地三口子都係第一次去亞洲國際博覽館，原來真係好大嘅~ 坦白講，因為我地屋企係冇安裝Disney Channel，加上我地又好少俾小小豬睇電視，所以其實小小豬係完全未接足過Hi-5。 雖然小小豬冇睇過，不過Hi-5依個節目咁受歡迎，我又點會未聽過呢(因為之前我有安裝有線，所以間唔中都會睇到佢地個節目呀)。其實Hi-5係一個外國嘅兒童節目，佢地真係好受歡迎，因為每一集都會載歌載舞，電視內現場睇嘅小朋友都會跟住跳又跟住唱，見到個氣氛都真係好好，我地睇節目嘅人都會感染到個氣氛呀！ 就係因為係知道現場睇個氣氛會好好，所以好想帶小小豬去感受一吓，加上小小豬都好鐘意睇唱歌跳舞，所以我地三口子就齊齊去睇SHOW啦~ 場館內有Hi-5精品小賣部，我見都好多家長都買左啲紀念品等小朋友係場內即時玩呀~ 入到場就準備等Hi-5出嚟啦~ 由於之前都有同小小豬講過話嚟睇Hi-5哥哥姐姐唱歌跳舞，所以一座好就嚟心急豬，問點解Hi-5仲未出嚟呀~ 好啦....終於開場啦...全場氣氛好High呀~ 點擊圖片放大 +2 全場好多小朋友都企起身睇，一邊跟住Hi-5唱歌，佢地表現得好興奮。雖然怕羞嘅小小豬唔肯企起身，不過佢都睇得好ENJOY呀~ 到拋波波環節時，仲主動叫大肥豬帶佢出去拍波波添~ 到左中場休息嘅時候，大肥豬仲帶左小小豬去跳舞區，等小小豬走走跳跳添呀~ 到左下半場，小小豬終於忍唔住，跟埋其他小朋友走出走廊位企定定睇Hi-5跳舞呀~ 真係要俾個GOOD Hi-5依五位哥哥姐姐，佢地真係好有能量，邊跳邊唱，仲可以帶動到現場氣氛，同小朋友有問有答，好有互動，唔怪得之咁多小朋友鐘意佢地啦！ 就連小小豬都受到感染，返到屋企仲成日問我幾時可以再去睇Hi-5呀！ More Information : Hi-5 Facebook：https://www.facebook.com/hi5official?fref=ts Disney Junior Hong Kong Facebook：https://www.facebook.com/DisneyJuniorHK?fref=ts MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※ ※※ Cook 1 Cook 星級廚師 ※※
