16 JULY 2014(WED) 謝謝Twinkle Baker Decor嘅邀請，我地暑假第一個節目就係去參加親子Cupcake工作坊，整左兩款好靚嘅蛋糕裝飾呀~ 今次工作坊係K11嘅工作坊舉行，坦白講我真係冇乜機會去K11，連埋今次都係第二次。我今次仲好失敗咁出錯左地鐵閘口，攪到都唔知行左去邊，最後邊問人邊行，終於嚟到啦！(不過就遲左15分鐘，真係唔好意思呀)~ 由於遲到關係，所以我同小小豬就急急腳入課室準備上堂，枱面上已經為我地準備好今日蛋糕裝飾嘅材料~ 當然唔少得Twinkle嘅主打，烘焙裝飾糖啦~ 導師先為我地示範其中一個款式~ 小小豬都好留心聽哦~ 睇完示範就到我地，其實整蛋糕裝飾啲工序都係比較細緻，以小小豬依家嘅能力都未係可以做得好，所以小小豬就負責幫我猜糖皮啦~ 點擊圖片放大 +2 仲可以幫手印花仔~ 好多小花仔呀....當時大部分都係我嘅傑作。小小豬始終都係唔太識控制啲力度，所以印出嚟唔太啱用呀~ 慢慢整就開始整到個初型啦~ 係未睇導師示範第二個蛋糕裝飾前，大會好細心地為小朋友們準備左小蛋糕，等佢地邊食邊等。有得食依個小小豬又點會放過呀~ 導師示範埋另一個款式~ 雖然我地嘅手勢都唔算太好，不過都好努力去嘗試呀~ 最後經我同小小豬一番努力，我地嘅製成品終於完成啦~ 睇近啲啲...雖然同導師嗰個比就差好遠，不過都總算似樣，都應該合格啦~ 我成日都同小小豬嚟親子廚房，不過大多數都係整甜品，蛋糕裝飾都係第一次。整嘅過程雖然都有啲蝦碌(因為我成日界爛塊糖皮要再猜過)，不過其實都真係幾好玩，睇見自己一手一腳整好件蛋糕裝飾，都好有滿足感呀！ Twinkle除左有今日依款Cupcake之外，仲有好幾個唔同主題嘅蛋糕裝飾課程。我見有好幾個款都係好得意，如果有時間我都想帶小小豬再嚟玩過呀！ More information : Website：http://www.twinkle-bd.com/ Facebook：https://www.facebook.com/TwinkleBaker?fref=ts MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ She.com ※※ ※※ WeShare ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※ ※※ Cook 1 Cook 星級廚師 ※※
