13 JULY 2014(SUN) 一向我地都鐘意同小小豬親子廚房，所以當知道今年Q嘜親子廚神大賽嘅時候，我都有報名參加，等小小豬去玩吓，等佢可以眼界開啲，又可以見識多啲吸收吓經驗！ 先多謝各位朋友仔嘅支持，小小豬係『網上最受歡迎Q嘜美食照』得主之一，所以就可以直接入今日嘅複賽啦~ 雖然小小豬都成日同我係屋企整嘢食，不過以小小豬依家嘅表現，我地都係志在參與多，勝出都真係冇諗過，所以其實心情都係輕輕鬆鬆呀~ 開始進行比賽啦~ 大會邀請了「美女廚神」Zoe為我地進行示範教學，先教我地整個麵包布丁先~ 睇完示範就到我地啦，小小豬都好用心地整，完全係有板有眼呀~ 點擊圖片放大 +2 麵包布丁焗緊嘅時候，小小豬仲話要坐定定看住個布丁哦~ 依個時候Zoe就教我地裝飾個甜品啦~ 其實就係我地發揮創意，係碟上加糖皮足球、草地同士多啤梨佈置~ 點擊圖片放大 +4 我都知道大會俾分係最主要都係依靠個賣相，應該等我整好晒，可以靚靚仔仔咁去見評判。不過，我同大肥豬都覺得既然小小豬如此落力又投入，我都應該俾啲發揮空揮佢，如果阻住佢咁就享受唔到整嘢食嘅樂趣，所以我依個賣相都係俾小小豬全權負責，我只係旁邊幫幫手啦。 依個就係我同小小豬合力整嘅麵包布丁啦~ 最後拎埋個製成品同評判傾計先~ 等結果時為依個為食小小豬又嚟食埋一份啦~ 坦白講，比起其他參加者整嘅，我地嗰個又真係差好多，不過見小小豬如此落力又合作，睇見佢吱花時嗰個認真樣，其實係我內心深處，都已經覺得我地嘅完成品好靚啦！ 一如我所料，我地最終都係入唔到最後十強入唔到決賽。不過今日小小豬表現都尚算唔錯，好落力專心咁完成個甜品，所以入唔到都唔緊要，小小豬享受整甜品嘅過程先係最重要嘛！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ BlogSpot ※※ ※※ WeShare ※※ ※※ She.com ※※ ※※ SeeWide ※※ ※※ BK Milk 親子語 ※※ ※※ Cook 1 Cook 星級廚師 ※※
