7 JULY 2014(MON) 為今日嘅小暑做好準備，尋日雖然入科學園玩都勁攰(請按此)，不過我返到屋企都煲左冬瓜水，仲雪埋入雪櫃，等兩位老闆今日有凍冰嘅冬瓜水嚟消消暑呀~ 成日都以為嗰啲冬瓜去濕料都只係用嚟煲湯，不過原來都可以用嚟冬瓜水，仲可以雪入雪櫃凍冰咁飲，好似方便啲哦，所以今日就一試吓煮冬瓜水啦！ 材料好簡單，係藥材店買一份冬瓜去濕料，再買半斤冬瓜，加一片片糖就得啦~ 一份冬瓜去濕料都好足料呀~ 先洗乾淨冬瓜切件，成個冬瓜都好有用，所以就連冬瓜皮、瓜瓤和瓜仁都可以一齊煲。記得要將冬瓜皮擦乾淨先拎去煲呀~ 煲內加入適量清水，然後放入冬瓜、去濕料及片糖~ 點擊圖片放大 先用大火煲，待水滾起~ 之後改用中火繼續煲~ 煲多一個半鐘頭之後就完成啦~ 放涼後就可以入樽，之後放入雪櫃啦~ 今日雪凍左，就可以飲冰凍嘅冬瓜水啦~ 小小豬雖然都唔算好鐘意飲，不過都肯合作飲一杯仔。冇辨法啦...天氣實在太熱，一定要飲啲嚟解解暑先得呀~ 依位相熟嘅藥材店負責人話，唔係只限大暑同小暑飲冬瓜水，係平日都可以煲嚟飲，煲好之後雪入雪櫃，就可以幾時都有冰凍冬瓜水解暑，好過飲汽水甜飲啦！ MY FACEBOOK~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ BlogSpot ※※ ※※ WeShare ※※ ※※ She.com ※※ ※※ theZtyle ※※ ※※ SeeWide ※※ ※※ BK Milk 親子語 ※※ ※※ Cook 1 Cook 星級廚師 ※※
