呢排成日想食牛肉，關東風壽喜燒食得多，關西風壽喜燒係香港真係唔多餐廳有得食😊餐廳係會展站行幾分鐘就到，啱晒我呢啲懶人 壽喜燒套餐包咗一份四小碟前菜、日本產生雞蛋、野菜盛合、日本米飯、烏冬同甜品 前菜好精緻，日本產蕃茄清甜多汁、三文魚子生蠔肥美飽滿、嫩滑嘅生鵪鶉蛋汁和牛他他、柚子漬白蘿蔔爽口開胃🌟日本產 特選黑毛和牛A5壽喜燒 $689 每份有3大片牛肉，職員會詢問生熟店喜好進行烹調，A5和牛油花均勻遍布每一吋，牛油香到不得了，配上微甜壽喜燒醬汁，再沾上橙黃色嘅蛋液，入口即溶🤩第二啖配上日本米飯一齊食更加正🌟 日本產 黑毛和牛(赤身肉)壽喜燒$529 A3和牛油花比例相對無A5甘高，第一啖只蘸蛋液食，之後按喜好加青檸汁/ 3款調味粉（柚子七味/黑椒七味/山椒)，口味變化多端，如果唔夠飯可以再添㗎 食完甘靚和牛，職員就會煮野菜盛合同烏冬，烏冬好軟彈，吸收哂所有肉同菜嘅精華，幾飽都一定要食吖🤘🏻 甜品都唔馬虎🤩抹茶蕨餅、和菓子同玫瑰十勝紅豆，真係想食多一份🤤 總結🌸想食關西風壽喜燒，一定要嚟呢到食，食物高水準、有服務、地點又方便，成餐飯係enjoy嘅💕🔍搜尋 #金魚姬食在灣仔💁🏻♀️@SUKIYAKIYAhk#SUKIYAKIYA 📍灣仔港灣道30號新鴻基中心2樓2A-1鋪 #壽喜燒 #香港壽喜燒 #和牛 #a5和牛 #a3和牛 #灣仔美食 #灣仔 #sukiyaki #香港美食
