今個月生日特別忙,去完附近專櫃拎生日禮物同shopping🎁,揀左呢間蒸氣鍋嘆個悠閒午餐 🌟八府巡按套餐 $348其實仲有另一個$128套餐揀,不過我比呢個餐嘅龍蝦🦞吸引住,好似好多野甘,幾抵食 呢度無加一收費,所以水同醬料自助✅ 前菜有:三點剌身(北寄貝、甘蝦、帆立貝)同熱辣辣嘅炸物芝麻雞翼+雞軟骨餃子🥟點擊圖片放大 海鮮:白蜆、蝦、鮑魚、鮮魚片、半隻龍蝦、元貝、同蟶子皇,枱上面有指引每款海鮮要蒸幾耐,唔使擔心蒸過龍/唔熟🤗點擊圖片放大 海鮮款款都好新鮮,蜆有鮮鹹味又無沙、蝦🦐用竹籤串好,好易用口剝殼,啱哂我呢啲唔想直接用手剝嘅懶人,最估唔到係龍蝦有膏,龍蝦肉厚肉彈牙,好好味😋 食完蒸海鮮,侍應會幫手加魚湯變打邊爐甘🍲主食我加$3要烏冬,將剩低嘅安格斯牛肉、豚肉片、三寶丸同蔬菜拼盤共冶一爐,真係飽到上心胸 但係三寶丸真心好食,牛丸多汁彈牙、墨魚丸鮮甜同味道最特別要小心爆餡嘅薑汁皮蛋貢丸,皮蛋貢丸唔知邊到入貨呢,想買一包反屋企食😆最後仲有個雪米糍做甜品 味道:9/10環境:8/10-🔍搜尋 #金魚姬食在銅鑼灣💁🏻♀️#船渦 📍銅鑼灣謝斐道500號維安商業大廈3樓