沖繩 8天陽光之旅 day 7 前一晚在酒店得悉原來沖繩打緊風呀! 難怪天色有點怪怪的。仲係8 號風球tim...都唔理得咁多喇! 聽朝再算吧! 第2朝起身, 外邊都無陽光嘅? 天黑黑。但再看電視才知道, 原來個風喺石垣島呀! 成10點才出發, 行出街又無咩異樣吖! 係有D大風啫! 前往美國村可搭乘20、28、29 &120 號巴, 車程約60分鐘, 於[ 軍病院前站 ] 落車, 步行約5 分鐘, 車資710円。由於前2天的經驗, 知道國際通有站, 就不需要去巴士總站坐車喇! 路程行少咗, 車費仲平咗 tim ! 恩人真係醒呀! 在車上看看風景, 見到當地人很悠閒的, 就算上班、返學, 下車後, 像散步的速度, 在香港根本不可能見到這景象! 這刻感覺時間好像過得很慢很慢, 個人覺得好自在...回港後要好好反省, 有必要咁趕嗎? 前面坐位個妹妹, 坐到一半, 忍唔住找人玩了, 約4、5歲, 好可愛。她告訴我是和爺爺、奶奶一起。沿路和我玩, 又唱歌, 又講故事我聽, 我話聽不懂, 但她沒理會, 不停逗我開心, (但她是和我是講悄悄話, 絕對沒有騷擾其他乘客啊) 落車前我跟她拍照, 她好鈡意, 叫我show 番比佢睇添! 落車後只需向著( 大觀覽車 )摩天輪方向行即可。。。 Carnival Park 摩天輪商場, 到入口了...由於美軍在此設立基地及聚居於此。 為了一解美軍們的思鄉病, 這裡根本就是一個倒模美國式的旅遊區呀! 天色都很美, 但風力十分強大, D 風是由四面八方吹來的 ) ) ) ) ) 我把頭髮放下, 連個樣都睇唔到呀, 除非順風向啦! 進入商場後見到這店舖, 棒球迷一定很雀躍啫...咁多親筆簽名真藏! 在扶手電梯上拍的... 賣帽子的店舖... 看看商場的水牌樓高只有三層,skymax60 大觀覽車位於3/F 哩隻哥師奶黑媽媽真係嚇親D細路ka D 浮條平到呢! 105円/條 ...沙田賣 $39/條呀! 坐喺條龍下面食包包。 商場內居然有架麵包車喺度焗麵包噃! 唔..香噴噴, 我至愛朱古力味, O...唔熱嘅! 應該問佢邊款新鮮出爐嘛! 豬小姐~~~ American depot 店舖內外都是以洛杉磯的美式雜貨店一模一樣, 充滿美國味道... 所有店舖都各具特色 可上 [ 北谷町觀光協會 ] 網頁瀏覽: http://www.okinawa-americanvillage.com/ 很有異國風情的味道... 好彩而家有數碼相機啫! 好開心呀! D 地方咁靚, 影相都影到手軟呀! USA~~~ 真係好多外國人ka...唔講真係唔知嚟咗日本呀! D Pizza 好似好好味咁噃! 可惜只有室外吖, 我太怕熱了, 唯有再去第二度搵...食啦! 刻意選今天星期六到來的, 目的是只有星期六、日才會有跳蚤市場, 於黃昏後開始, 但真的很失望, 賣的貨品太少了 & 不太吸引... 右邊哩個朝氣勃勃嘅孖辮妹好得意ka, 之前喺另一個商場2/F有落地玻璃 , 佢一個人係咁聊我玩, 恩人在地面, 他見我倆打招呼, 又問佢係咪我爸爸...哈哈...哈, 點睇都唔似啦, 佢分明喺度攪攪^^^^^震, 又SHOW 佢手袋入面D嘢我睇, 估0精怪, 不過真係好可愛呀! 後尾恩人一個人見番佢, 佢又蹦蹦跳咁, 唔知係咪同姊姊一齊, V 晒咁比 Post 影相添! D小店舖真的好靚啊! 當地人最喜愛假日一家大細來這裡消遣! 哩間有仙人掌... 其實當日真係好大風, 好幸運地全日都無落過雨喎...嘻嘻! 喺日本真係好難見到入口車ka~~~ 像澳門的三盞燈嗎? 牆身的壁畵很特別啊...好似去咗另一個世界咁呀! 原來唐老鴨要看鋪, 唔怪之得嬲爆爆啦! 隻拖鞋仲高過個人呀...行番出Carival Park 醫肚先 飲番杯冰凍啤酒。。。( 唱出嚟... )只有生啤特價, 只需加 250円/杯, 散叫其他飲品要600~900円 ka, 反正天氣咁熱, 估唔到又好好味噃! 我們次次去日本必食印度餐, 因印度有超過一半人口是素食者, 所以一定有素食。YEAH。。。 看! ! ! 餐廳內包括坐我們旁邊的客人, 全部都是金頭髮的...連店員都無一個係日本人嚟 ka! Hello... 我們點了波菜薯仔、 還有我至愛的芝士 ( NAAN ) 薄餅、金黃香米飯 (有杏仁及椰香) 好豐富啊。。。 吃飽了便繼續行程, 一抬頭有個天窗, 便見到大觀覽車了。 多啦A夢呀! 還有一間睇3D 畫的, 有料的! 上年在九州豪斯登堡 & 澳門都看過了。 因落車時太興奮了, 竟然忘記睇回程行車時間表添! 恩人對我真好, 叫我留喺商場嘆冷氣, 佢自己去睇... 我自己閒逛, 見到這駝羊好得意呀! 想影張相留念, 點知個妹妹都好鈡意不肯離開, 我唯有影嘛個妹妹啦! 佢又咁得意! 另一重點就是到Sunset Beach 睇日落喇! 很有名的! 到達時都接近7:00了, 係咪好靚呢? 夕陽無限好, 只是近黃昏...時間永遠都是不等人的! 有錢剩~可存起來, 無錢可問人借, 但時間人人都是一樣, 一天只有24小時...你分配好如何善用了嗎? 臨近真正落山一刻, 十分快速, 一眨眼, 太陽伯伯收工了...再見! 在這時有位講廣東話的年輕小姐問, 可否幫忙拍張照片呢? k: 但太陽巳下山了。s: 沒關係, 拍吧! k: (心想) 阿妹妳太客氣了吧! 讓我們拍完才開聲... 多拍幾張好嗎? s: 好呀! 東南西北都拍過了。她又好客氣地幫我們拍! k: 妳一個人嗎? s: 是! k: 住那霸市嗎? s: 是! k: 回去了嗎? 一起坐巴士吧! s: 好呀! 就這樣我們一起坐巴士回那霸, 沿路大家說說笑笑... 一起分享沖繩旅遊的行程及經歷, 再談談其他旅遊的樂趣, 1小時的車程過得很快呢! ) ) ) 回到那霸市了! 我老友呀! 高立的未來世界, 因我們有共同特徵...估下! 乾物女 ~ 綾瀨遙( 我和恩人都好是她 fans啊! ) 這建築物幾晚返酒店時都見到, 因太累都沒有行過去, 因在酒店的相反方向, 今晚是最後一晚了, 燈光好吸引, 來過包、剪、揼吧! go go go... 原來地下全層是玩彈珠機的, 上面嘛?! 全部都是停車場...哈哈哈, 心息吧! 今天遇到幾位有緣人, 在旅途上增添了不少色彩, 這只有自由行才能夠體會到的。如跟團咁急趕, 就較難了。真好可以留下美好回憶! 2013年8月17日下午11:00公開累積瀏覽 1893
