係屯市諗緊食咩好，就見到依間燒肉😳係門口已經比佢既日式木系裝修吸引住左😳入面全部都係卡位，好闊落，坐得舒適，一家大細黎都冇問題👍🏻而燒肉汁都有成3款，包括辛口、蒜味同甘口，盡量滿足客人不同口味☺️。3xx-4xx仼食個啲同依個質素真係冇得比，計番價錢其實都唔會貴好多，一定會再番黎食😚❤️✨ 另設加一 -✨前菜沙律🥗點餐後餐廳會送上前菜沙律，有椰菜絲、蛋黃碎、青瓜絲同沙律醬，份量都好多😂同幾好食，食下牛再食下沙律，好fresh好解膩。-💕 名物！菠蘿漬鑽石和牛胸腹肉 $288👅好味指數：9.8/10必叫一❗️依款係店既名物🥰用菠蘿作為器皿，放上鑽石紋理既和牛胸腹肉😍。依款會有專人幫你燒，控制好火喉同時分剪牛肉，燒得好靚🤤。和牛醃到入哂味好多汁，醬汁好香甜，肉質又軟腍😍，食完牛之後仲可以燒埋菠蘿😳，已經好貼心咁切到一舊舊，方便客人食完牛再燒☺️菠蘿都好清甜多汁！-💕味噌醬燒和牛肩肉芯(兩件) $118👅好味指數：9/10依款都會有專人燒肉🥰和牛肩肉芯比較薄身，好容易痴底，有專人燒就唔怕了，燒完仲會卷成一舊上碟👍🏻。肉芯味噌醬味濃郁，油脂感較重。-💕 特上牛小排(四件)(汁燒)$138(汁燒/ 鹽燒) 👅好味指數：9.8/10必叫二❗️依款簡左汁燒🥰牛小排紋路好靚☺️油脂分佈均勻，肉質嫩腍，同樣入哂味，醬汁既香甜味濃到可以唔洗再沾其他燒肉汁❤️-💕旨肉！黑毛和牛三筋(四件)(鹽燒) $158(汁燒/ 鹽燒/ 香慈)👅好味指數：9.8/10必叫三❗️汁燒既真係好正，但鹽燒原來都咁正😍，色澤紋路一樣好靚，肉質軟腍牛味濃郁😍。-💕厚切鑽石牛舌(四件) $148👅好味指數：8.8/10牛舌唔會好厚唔怕韌，口感爽脆，有牛香味😋。-💕幸福！生蛋拌飲百責海苔 $29👅好味指數：7/10性價比高！超大份量😂2人share剛好，一口牛一口飯，好滿足😋-💕巨峰提子乳酸梳打 $42👅好味指數：7/10巨峰提子味濃，質感濃稠同比較甜，唔會有藥水味👍🏻。-💕白桃梳打 $36👅好味指數：7/10白桃味重，飲落清爽。-環境：8.5/10服務：9/10好味指數：9.8/10回頭率：10/10-❣️營業時間: 星期一至日：11:30 - 22:00-📍 焼肉 焰 (屯門)屯門屯順街1號屯門市廣場1期2樓2253A, 2253B, 2255及2256A號舖
