今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～ 如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。 我哋大約三點到準時 Check-in 一入到 Lobby 就已經俾間餅店吸引咗！「留返個肚今晚仲要食 Buffet 呀」 由於疫情原故，Check-in 都改咗去 41樓接待處辦理入住手續點擊圖片放大 我哋入住嘅係 57樓，每個房間的設計有一定距離，覺得好有私隱同埋隔到音。 今次入住嘅係剛翻新的尊尚海景客房，面積平均31 - 58平方米，逾2.5米高樓底。 景觀為藍巴勒海峽，可遠觀汀九橋。 全幢酒店為「非吸煙酒店」，房間好有空間感，而且好舒適寧靜。 兩張床都好大，足夠我哋一家四口去瞓。點擊圖片放大 浴室都好寛敞，除咗有個大浴缸之外... 仲有個淋浴位置，佢好似酒店商場的透明升降機，連接住睡床位置 真係十足十一架升降機 康樂設施包括健身中心及一個室外和室內游泳池點擊圖片放大 當日去酒店時天氣麻麻地，本來都打算冇得游水，但係如心酒店呢度好好，有室內游泳池～ 雖然滿天烏雲，但係有室內池可以繼續玩～ 因為疫情關係，客人需要入住酒店後預約當日希望游泳的時間 室內池比我想像中的大，而且有個玻璃天幕，陽光透入泳池，真係游得好舒服。 室內泳池長20米 x 水深1米，好適合哥哥同芊芊游。佢哋兩個游得超開心，自由自在咁周圍游來游去。 兩個玩到唔想走，之後連我都跳埋落水一齊游呀～爽呀 酒店其實仲有其他設施，好似有中菜廳點擊圖片放大 亦有宴會廳，地方超大，可以用作很多不同類型的用途 差唔多到夜晚前，我哋去到如心廣場玩VR賽車遊戲，佢係一個實境虛擬賽車體驗 由即日起至 8 月 27 日，逢星期五及六，預訂「仲夏狂歡住宿體驗」即可入住位於酒店高座的豪華海景客房一晚，就可免費參與「如心廣場 X EVA RACING 車手競速大賽」立即預訂 https://bit.ly/stayanddrivestaycation 呢個實境虛擬賽車體驗係日本人氣動漫「新世紀福音戰士」(EVA) 佢哋兩個就好似打機咁對住個熒幕，但係實際上熒幕顯示的就係呢兩架搖控車的主觀鏡頭 玩緊嗰陣真係好似親身揸緊真車一樣～ 芊一直話想玩多舖。。。點擊圖片放大 +3 兩個由係咁撞到好順利控制到架車，行咗一圈返到嚟，仲破到自己紀錄㖭！ 玩完之後，我哋就到 9樓的 Café Circles 享用豐富的自助晚餐 估唔到如心酒店的自助餐咁多款嘢食，應有盡有！我都未可以食盡每個區。點擊圖片放大 連燒味都有，真係超興奮呀！ 當然都唔少得芊芊至愛的朱古力噴泉，今次係抹茶朱古力，佢一樣咁鍾意～ 座位同自助區分開，唔怕拎嘢食嘅人出出入入影響其他食客。點擊圖片放大 刺身壽司同樣新鮮，我食完都不斷再食～ 又有媽咪最鍾意食的串燒。 餐廳環境認真有氣派 最後當然係甜品出場，真係食得又睇得～點擊圖片放大 +4 你睇吓芊芊食到對眼都要發光 哥哥就話皮蛋肉粥超級好食 每位食客仲可以得一客煎鵝肝多士同埋一份冬菇鮑魚。 仲有得睇師傅親手切油甘魚，真係手起刀落，我目測數過唔夠十下，就已經將條魚除皮拆骨上碟。 返到酒店房間直程大解放啦，邊食薯片邊玩手機～ 到第二朝仲有豐富早餐食，有西式有中式，今次呢個旅程真係真正叉電，小朋友有得玩之餘，大人又可以好好休息～ Photo & Video by Sony A7III iPhone11 Pro想跟我去體驗其他活動，快D報名親子團，同埋留意專頁公佈詳情啦！http://goo.gl/forms/CNZMEPoMIWkouK8o2荃灣西如心酒店華懋集團旗下如心酒店集團經營和管理兩大酒店品牌，包括如心酒店及薈賢居。全新的品牌概念旨在為香港酒店的服務、舒適感和格調重新定義。以亞洲傳統殷勤款客之道出發，品牌於屬下的優越酒店及服務式住宅融入個人化的服務，以及待客友善的氛圍，讓賓客盡享「時刻.優裕.點滴.豐饒」的品牌服務承諾。網址 www.ninahotelgroup.com(以上資料更新至文章當日) Facebook專頁: 呀劍萬帥 kimfamilytravelBlog網誌 : www.kimfamilytravel.com點擊圖片放大 點擊圖片放大 +15
