久違了農莊親子遊一段日子，今日終於可以再去親親大自然，而且今次都係久地重遊！原來從前的狗狗主題農莊，已經變咗做今天的小白兔音樂農莊～ 農莊設有多款不同的套票，可以去之前先看看專頁查詢，我哋今日就主要係嚟餵吓兔仔同埋參加咗幾個小遊戲同手工。 入場時侯要戴上手帶，之後就先有迎新禮物送俾小朋友，可以自由揀選一款精品文具。 真係未出發先興奮，哥哥同芊芊都揀咗支原子筆。 同步就向職員取了一杯飼料，用來餵飼動物。 我哋先經過「羊之家」 大家唔好太快手餵哂俾羊羊食，如果說唔係未去到小白兔屋企，就已經用哂D飼料啦！ 因為除咗「羊之家」外，仲有個「豚之屋」(唔知幾時開始「豬」已經升級咗做「豚」呢個名) 兩個見到豬都好開心(可能見到同類～哈哈哈)點擊圖片放大 然後行出去大草地，終於見到小白兔屋企啦！我哋行咗入去，同一眾白兔同處，超近距離接觸，開心得芊芊玩到唔想走～ 真係任摸唔嬲，好多毛好正好舒服呀～點擊圖片放大 +3 同兔仔打咗海量嘅卡，真係未試過同咁多兔仔喺埋一切！點擊圖片放大 +2 餵完小動物就出去大空地自由玩，呢度都有好多款放電玩意。 同埋有好多特式小屋，都好適合打卡㗎！點擊圖片放大 又有一個打卡位啦～大風車 連個沙池都係兔仔形狀㗎～ 呢度地方好大，又有好多遊玩設施，大家可以好放心咁俾小朋友自己周圍跑、周圍玩、周圍放電～點擊圖片放大 +2 同埋都有好多位置都好適合一家大細打卡㗎～點擊圖片放大 +2 至於晏晝，大家可以選擇喺度BBQ，或者可以同附近餐廳Order送外賣，餐牌就放在農莊門口，可以向現場職員查詢。 之後我哋都參加咗一兩個工作坊俾小朋友玩吓，發揮下佢哋D創意！ 現場仲有表演者同小朋友玩下遊戲同變下魔術，氹得小朋友好開心！ 玩到咁上下，又可以坐下嘆下雪條！ 套票亦包括了代幣，可以在場內夾公仔。我夾到隻兔公仔俾芊芊，佢好開心呀～ 如果仲未夠，出番外面仲可以繼續放電呀！點擊圖片放大 +3 其實農莊仲有些適合較朋友的活動，例如竹筒飯製作，或者可以在大草地露營，不過我哋就玩到差唔多6點回程番屋企啦～ Photo & Video by Sony A7III FE 16-35mm F/2.8 & iPhone11 Pro想跟我去體驗其他活動，快D報名親子團，同埋留意專頁公佈詳情啦！http://goo.gl/forms/CNZMEPoMIWkouK8o2小白兔音樂農莊 New Bunny WonderlandWhatsApp：+852 5546 1226 電話：+852 2488 2978 電郵：bunnyebooking@gmail.com(個人) / bunnywonderlandwts@gmail.com(團體) 網頁：https://www.bunnywonderland.com/ 地址：元朗八鄉橫台山芝麻嶺1號 營業時間： 逢星期一休息(公眾假期除外) 星期二至星期五 （11：00 - 18：00） 星期六，日及公眾假期 （10：30 - 18：00） 18：00 後活動必需預早預訂FacebookBunnyWonderland(以上資料更新至文章當日) Facebook專頁: 呀劍萬帥 kimfamilytravelBlog網誌 : www.kimfamilytravel.com點擊圖片放大 點擊圖片放大 +15
