又一次沒有計劃的行程,晚上要找一地方Dinner,無意中就發現這個Monchhichi主題Cafe,其實早陣子都有聽過在朗豪坊開設了這主題餐廳,不過沒有特別要到此一遊,因為每次進角色主題餐廳,好睇多過好食,總是失望而回,不過今次卻有點喜出望外! 原來這Monchhichi主題餐廳係同81番Crossover的,是期間限定,至3月19日最後一天! 餐廳外有很多精品供粉絲購買 影相POPs就唔係好多,只得門口這個待應Look的Monchhichi 點擊圖片放大 +2 我哋點咗幾款主打套餐,本來都唔打算會好好味道! 點知... 首先上餐的時間超快,呢頭點完餐,嗰頭就9.9秒送過嚟。意粉,咖喱飯都有板有眼! 濃滑卡邦尼汁煙肉意粉 $78 脆辣炸雞咖喱飯 $78 不過我對呢塊Monchhichi造型的蒸蛋有D抗拒,我覺得好難食! 起初我仲以為係Cheese 日式滑蛋豬扒飯 $78 呢個燒八爪魚丸就麻麻地...裡面粉多八爪魚肉得一粒仔! 好在有醬汁搭救,成粒食都仲覺得幾好食! 大阪章魚燒 $42 芊芊今晚好好胃口,食咗好多好多嘢! 最緊要小朋友肯食 最後有少少飽,但係都忍唔住想叫埋呢個什果忌廉西多士(如果係雪糕仲好!) 法式多士 $68 如果叫餐廳內特定Pizza及定食,就可以有職員幫你影番張Polaroid即送埋俾你! 不過當然好似我咁自己影都得啦! Photo by CANON 5D Mark IV, Len | EF 24-70mm f2.8L II USM 想跟我去體驗其他活動,快D報名親子團,同埋留意專頁公佈詳情啦! http://goo.gl/forms/CNZMEPoMIWkouK8o2 呀劍評分: 8分 呀劍評語: 以角色主題餐廳嚟講已算合格! 食物水準不錯,起碼唔會覺得錢俾多咗又難食先! 如果係Monchhichi粉絲更加唔可以錯過,把握時間3月19日前去拆番餐啦! Monchhichi Pop-up Cafe 簡介 Monchhichi今次係同日式麵包輕食Cafe 81番合作,由19/1到19/3將旺角朗豪坊分店搖身一變成為Monchhichi Pop-up Cafe。餐廳招牌丹麥麵包變做唔同口味嘅三文治,好似呢個脆辣雞扒番茄丹麥三文治就夠哂香脆喇。 地址 旺角亞皆老街8號朗豪坊4樓12號舖 營業時間 星期一至日: 07:30-00:00 活動日期 2017年1月19日至3月19日 電話 3417 6034 (以上資料更新至文章當日) Facebook專頁: 呀劍萬帥 kimfamilytravel Blog網誌 : kimfamilytravel.blogspot.hk